ភ្លើងផ្ទះ១ខ្នង អស់ទាំងស្រុង ស្លាប់ម្នាក់ របួសធ្ងន់ម្នាក់ នៅស្រុកភ្នំស្រួច
ខេត្តកំពង់ស្ពឺ៖ អគ្គិភ័យមួយ បានឆាបឆេះអស់ផ្ទះមួយខ្នងទាំងស្រុង កាលពីយប់ រំលងអធ្រាតឈានចូលថ្ងៃទី១០ ខែកុម្ភៈ ឆ្នាំ២០២២នេះ បណ្តាលឲ្យស្លាប់មនុស្សម្នាក់ និងរបួសធ្ងន់ម្នាក់ នៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
នគរបាលស្រុកភ្នំស្រួច បានឱ្យដឹងថា ផ្ទះដែលឆេះនេះ មានទំហំ៧ម៉ែត×៨ម៉ែត ធ្វើពីឈើលើថ្មក្រោម ប្រក់ហ្ស៊ីបប្រូ និងម្ចាស់ផ្ទះឈ្មោះ សយ សៀ ភេទប្រុស អាយុ៥៣ឆ្នាំ រស់នៅចំណុចកើតហេតុ។ ករណីនេះ បានសម្លាប់ក្មេងស្រីម្នាក់ ឈ្មោះ សូត ចាន់រ៉ី អាយុ១៦ឆ្នាំ និងរបួសធ្ងន់ក្មេងប្រុសម្នាក់ ទាំង២នាក់ ជាកូនម្ចាស់ផ្ទះ។
នគរបាលជំនាញ បានសន្ឋិដ្ឋានថា ករណីនេះអាចបណ្តាលមកពីការឆ្លងចរន្តអគ្គិសនី ខណៈដែលម្ចាស់កំពុងដេកលង់លក់ និងបង្កឱ្យមានអ្នកស្លាប់ និងរបួស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។