ឃាត់ខ្លួនជនជាតិឡាវម្នាក់ រឹបអូសគ្រឿងញៀនជិត ១០គីឡូក្រាម នៅខេត្តស្ទឹងត្រែង
ខេត្តស្ទឹងត្រែង៖ នគរបាលខេត្តស្ទឹងត្រែង សហការជាមួយនគរបាលក្រសួងមហាផ្ទៃ បានឃាត់ខ្លួនជនជាតិឡាវម្នាក់ និងដកហូតប្រភេទម្សៅក្រាម ពណ៌ស ចំនួន១០កញ្ចប់ធំ។ ប្រតិបត្តិការនេះ ធ្វើឡើងកាលពីថ្ងៃទី១៣ ខែកុម្ភៈ ឆ្នាំ២០២២ នៅចំណុចផ្លូវស្ពានទី២ ស្ថិតក្នុងភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។
ជនសង្ស័យ ដែលឃាត់ខ្លួនបានជាជនជាតិជាតិឡាវ ឈ្មោះ ភីម ម៉ាន់ចាន់កាន់ អាយុ២៤ឆ្នាំ រស់នៅភូមិថាកាំង ស្រុកបុន ខេត្តចំប៉ាសាក ប្រទេសឡាវ។
នគរបាលជំនាញ បានបញ្ជាក់ថា ការចាប់បុរសជាជនសង្ស័យខាងលើ គឺករណីជួញដូរសារធាតុខុសច្បាប់ ដោយលួចដឹកចូលប្រទេសកម្ពុជា តាមព្រៃ មកចំណុចកើតហេតុខាងលើ។ វត្ថុតាងដែលរកឃើញ មានម្ស៉ៅក្រាម.សថ្លាចំនួន ១០កញ្ចប់ធំ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។