អ្នកជំនាញសុខាភិបាលវៀតណាម ថា កូវីដគួរតែក្លាយជាជំងឺធម្មតាហើយ!
យោងតាមនាយកមន្ទីរពេទ្យសាកលវិទ្យាល័យវេជ្ជសាស្ត្រក្រុងហាណូយ បានឱ្យដឹងថា ជាមួយនឹងអត្រានៃការចាក់វ៉ាក់សាំងខ្ពស់ វៀតណាមគួរតែចាប់ផ្តើមរស់នៅជាមួយ Covid-19 ហើយរៀបចំឱ្យមានសភាពធម្មតាឡើងវិញ។
សាស្ត្រាចារ្យ និងជាវេជ្ជបណ្ឌិត ង្វៀន ឡានហ៊ីវ បានប្រាប់ VnExpress ក្នុងបទសម្ភាសន៍មួយថា “ជាមួយវីរុស អីមីក្រុង (Omicron) ដែលឆ្លងមេរោគកូវីដ-១៩ ទូទាំងពិភពលោក និងបានជ្រៀតចូលប្រទេសវៀតណាម ខ្ញុំគិតថាយើងបានឆ្លងផុតចំណុចកំពូលនៃជំងឺរាតត្បាតហើយឥឡូវនេះទំនងជាធ្លាក់ចុះ” ។
Omicron ត្រូវបានប្រទេសផ្សេងគ្នាបញ្ជាក់ថា ទំនងជាមិនសូវបង្កឱ្យមានស្ថានភាពធ្ងន់ធ្ងរ និងការស្លាប់ក្នុងចំណោមអ្នកជំងឺ Covid-19 វ័យក្មេង។
មានការថយចុះមួយភាគបីនៃហានិភ័យនៃការទៅមន្ទីរពេទ្យ ចំពោះករណី Omicron បើប្រៀបធៀបទៅនឹង Delta នេះបើតាមអ្នកស្រាវជ្រាវនៅមហាវិទ្យាល័យអង់គ្លេសនៅក្រុងឡុង អ៊ីមភឺរៀត (Imperial ) បញ្ជាក់តាមរយៈការបោះពុម្ពផ្សាយបែបវិទ្យាសាស្ត្រ ចេញដោយរាជរដ្ឋាភិបាលអង់គ្លេស កាលពីខែមករា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។