អគ្គីភ័យឆេះផ្ទះមួយកន្លែង ក្នុងបុរី ជីបម៉ុងលែន ដោយដឹងមូលហេតុ!
ភ្នំពេញ៖ នៅវេលាម៉ោង ០៦និង៥០នាទីព្រឹក ថ្ងៃទី១៦ ខែមីនា ឆ្នាំ២០២២ មានករណីអគ្គីភ័យមួយកន្លែង បានកើតឡើងនៅចំណុចបុរី ជីបម៉ុងលែន ម៉ាក២៧១ ផ្លូវខមមើសល ផ្ទះលេខ ៣២៣ សង្កាត់ចាក់អង្រែរលើ ខណ្ឌមានជ័យ រាជធានីភ្នំពេញ។
ផ្ទះដែលឆាបឆេះនេះ មានម្ចាស់ឈ្មោះ ប៊ុន លិការ ភេទស្រី អាយុ២៧ឆ្នាំ មុខរបរ អ្នកលក់ក្រដាសសែនចូលឆ្នាំចិន ដោយមិនទាន់ដឹងមូលហេតុ។ សម្រាបទំហំខូចខាត រួមមាន៖
– ប្រភេទសំណង់: ថ្មប៉េតុង ទំហំ ៤ម៉ែត្រ x ១៦ម៉ែត្រ ។
– ខូចខាតសម្ភារៈ: រថយន្ត ០២គ្រឿង (ម៉ាកតូយូតា តាកូម៉ាផ្លាកលេខភ្នំពេញ ២AE ៧៤៣៩ ម៉ាកតូយូតាកូរូឡាផ្លាកលេខភ្នំពេញ ២AB ៩៣៦៣ ) សម្ភារៈសំរាប់លក់ដូរអស់ទាំងស្រុង នឹងពុំបណ្ដាលអោយឆេះរាលដាលដល់ផ្ទះអ្នកក្បែរខាងឡើយ ។
ករណីនេះសមត្ថកិច្ច បានប្រើប្រាស់រថយន្តការិយាល័យអគ្គិភ័យ ចំនួន ១១គ្រឿង ប្រើប្រាស់ទឹកអស់ ២២រថយន្ត ស្មើរនឹង ៨៨ម៉ែត្រគូប៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។