លម្អិត ករណីឆេះអគារខុនដូនៅកោះពេជ្រកាលពីល្ងាចមិញ
កាលពីវេលាម៉ោងប្រមាណ៥ល្ងាច ថ្ងៃព្រហស្បតិ៍ (១៧ មីនា) ម្សិលមិញ មានករណីអគ្គីភ័យមួយកន្លែងបានកើតឡើងនៅអគារស្នាក់នៅដាយមិនធ្វីនថោវើ (Diamond Twin Tower) ដែលស្ថិតនៅអគារលេខ ផ្លូវបេតុង ក្រុមទី៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
បើយោងតាមរបាយការណ៍របស់សមត្ថកិច្ច ករណីអគ្គិភ័យនេះ បានបណ្តាលឲ្យមនុស្សចំនួន៣នាក់រងរបួស ក្នុងនោះមានក្មេងប្រុសចំនួន១នាក់, ក្មេងស្រីចំនួន១នាក់ និងស្រ្តីចំនួន១នាក់។
ចំពោះការខូចខាតវិញ អគ្គិភ័យនេះ បានឆេះប្រអប់ភ្លើងពីជាន់ទី១៦ ដល់ជាន់ទី៣១ អស់ទាំងស្រុង តែពុំបណ្តាលឲ្យឆេះរាលដាលទៅកន្លែងផ្សេងទៀតនោះទេ។
ហើយចំពោះមូលហេតុដែលបណ្តាលឲ្យកើតមានអគ្គិភ័យនេះ សមត្ថកិច្ចកំពុងតែធ្វើការស្រាវជ្រាវនៅឡើយ។
យ៉ាងណាក៏ដោយ ករណីអគ្គិភ័យនេះ គេឃើញមានរថយន្តពន្លត់អគ្គិភ័យប្រមាណ៤១គ្រឿង បានចេញទៅចាំជួយអន្តរាគមន៍ ប៉ុន្តែពុំបានប្រើប្រាស់ទឹកនោះឡើយ។ ហើយអគ្គិភ័យបានពន្លត់រួចរាល់នៅវេលាម៉ោងប្រមាណ ៧យប់ថ្ងៃដដែល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។