ត្រាក់ទ័រភ្ជួរដីដាំដំឡូង ជាន់មីនតោនផ្ទុះ ខ្ទេចត្រាក់ទ័រ និងរងរបួសធ្ងន់ម្នាក់
ខេត្តព្រះវិហារ៖ នៅវេលាម៉ោង២ និង៤៥នាទីរំលងអធ្រាត ថ្ងៃទី៨ ខែមេសា ឆ្នាំ២០២២ មានករណីត្រាក់ទ័រភ្ជួរដីដាំដំឡូង ជាន់មីនតោនបណ្តាលឲ្យផ្ទុះខូចខាតត្រាក់ទ័រ និងរងរបួសធ្ងន់ម្នាក់
ជារងគ្រោះជាអ្នកបើកបរឈ្មោះ ខូយ ថុណា ភេទប្រុស អាយុ៣៤ឆ្នាំ រស់នៅក្នុងភូមិខាងលើ និងត្រូវបានបញ្ជូនទៅសង្គ្រោះព្យាបាលនៅមន្ទីរពេទ្យបង្អែក១៦មករា ខេត្តព្រះវិហារ។
អាជ្ញាធរមីន សូមអំពាវនាវដល់បងប្អូនប្រជាពលរដ្ឋទាំងអស់ សូមកុំចូលទៅតំបន់ណាដែលមិនដឹងប្រវត្តិច្បាស់លាស់ និងត្រូវសាកសួរអាជ្ញាធរមូលដ្ឋានមុនចូលតំបន់នោះ និងសូមកុំប៉ះពាល់នៅពេលឃើញមីន និងគ្រាប់មិនទាន់ផ្ទុះ ហើយត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិករបោសសម្អាតមីនដែលនៅជិតទីនោះដើម្បីយកគ្រាប់ទាំងនោះទៅកំទេចចោល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។