និស្សិតបុរាណវិទ្យានៃសាកលវិទ្យាភូមិន្ទវិចិត្រសិល្បៈ ចុះកម្មសិក្សាក្នុងរមណីយដ្ឋានប្រាសាទកោះកេរ
កាលពីចុងសប្តាហ៍កន្លងទៅនេះ លោក ភិន ភក្តី អនុប្រធាននាយកដ្ឋានអភិរក្ស និងបុរាណវិទ្យានៃអាជ្ញាធរជាតិព្រះវិហារ រួមជាមួយមន្ត្រីបច្ចេកទេស បានទទួលនិស្សិតបុរាណវិទ្យាជំនាន់ទី៣១ និង៣២ សរុបចំនួន១៣នាក់មកពីសាកលវិទ្យាភូមិន្ទវិចិត្រសិល្បៈ ដើម្បីសិក្សាស្វែងយល់ពីប្រវត្តិសាស្ត្រនៃរមណីយដ្ឋានប្រាសាទកោះកេររយៈពេលមួយថ្ងៃ។
លោក ភិន ភក្តី បានដឹកនាំនិស្សិតទាំង១៣នាក់ទស្សនាប្រាសាទប្រាំ ប្រាសាទនាងខ្មៅ ប្រាសាទខ្នារ ប្រាសាទដំរី ប្រាសាទបន្ទាយពីរជាន់ ប្រាសាទស្រឡៅ ប្រាសាទបល្ល័ងខាងជើង ប្រាសាទធំ រាជវាំងបុរាណឬអណ្តូងព្រេង និងប្រាសាទចិន ក្នុងគោលបំណងចែករំលែកនូវចំណេះដឹងនៃការរៀបចំក្រុង ការវិវត្តនៃសំណង់ស្ថាបត្យកម្ម ជំនឿសាសនា និងការរៀបចំប្រព័ន្ធធារាសាស្ត្របុរាណ ដែលមានតម្លៃជាសាកលក្នុងរមណីយដ្ឋានប្រាសាទកោះកេរ។
បន្ថែមពីនោះ លោកបានណែនាំ និងបណ្តុះគំនិតប្អូនៗ ឲ្យចាប់អារម្មណ៍លើការងារស្រាវជ្រាវក្នុងរមណីយដ្ឋាននេះឲ្យបានកាន់តែច្រើននាពេលអនាគត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។