រថយន្តយីឌុបខ្នាតយក្សដឹកឈើរាជថ្កុលបង្កប់ក្រោមអង្គាម ត្រូវសមត្តកិច្ចកងរាជអាវុធហត្ថស្នាក់ការ៥០០ចាប់បាននៅខេត្តកំពង់ឆ្នាំង
រថយន្តយីឌុបខ្នាតយក្សមួយគ្រឿង ដែលបានដឹកឈើរាជថ្កុលចេញពីស្រុកភ្នំក្រវ៉ាញខេត្តពោធិ៍សាត់ ឆ្លងកាត់ខេត្តកំពង់ឆ្នាំងត្រូវបានសមត្ថកិចកងរាជអាវុធហត្ថស្នាក់ការ៥០០លង្វែកចាប់ឃាតបាននៅចំណុចជញ្ជីញថ្លឹងរថយន្តនៅ រសៀលថ្ងៃអាទិត្យ កន្លងទៅនេះ ដោយប្រើរូបភាពផ្ទុកដឹកអង្កាមជាច្រើនការ៉ុងដាក់ពីលើបង្កប់ឈើនៅពីក្រោម។
បើតាមពត៏មានពីសមត្ថកិច្ចកងរាជអាវុធហត្ថបានឲ្យដឹងថា រថយន្តខាងលើនេះ មានផ្ទុកដោយឈើរាជថ្កុលចំនួន២ដើមធំៗមានប្រវែង ១០ម៉ែត្រ និង មុខកាត់៨តឹក ស្មើរនឹង៤ជ្រុង ដោយប្រើរូបភាពយកអង្កាមជាច្រើនការ៉ុងយកមកដាក់ពីលើគ្របឈើពេញតែម្ដង។
ចំណែកឯតៃកុងរថយន្តបើកបរនោះ ត្រូវបានរត់គេចខ្លួនបាត់អស់ ចំពោះរថយន្តត្រូវបានសមត្ថកិច្ចកិច្ចកងរាជអាវុធហត្ថសហការណ៍ជាមួយផ្នែករដ្ឋបាលព្រៃឈើកំពង់ត្រឡាចរឹបអូសយករថយន្តមករក្សាទុក្ខនៅមន្ទីរកសិកម្មនិងរុក្ខាប្រមាញ់ស្រុកកំពង់ត្រឡាច ខេត្តកំពង់ឆ្នាំងនៅថ្ងទី១២ ខែវិច្ចកា ឆ្នាំ២០១៨នេះដើម្បីចាត់ការតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។