រថយន្ត ២គ្រឿង បុកគ្នាពេញទំហឹង ២នាក់ស្លាប់ និង៣នាក់រងរបួស នៅស្រុកស្រែអំបិល
ខេត្តកោះកុង៖ រថយន្តចំនួន ២គ្រឿង បានបុកគ្នា បណ្តាលឲ្យមនុស្សចំនួន ២នាក់ស្លាប់ និង៣នាក់ទៀត រងរបួស នៅស្រុកស្រែអំបិល ខេត្តកោះកុង កាលពីព្រលប់ថ្ងៃទី៣០ ខែឧសភា ឆ្នាំ២០២២។
សមត្ថកិច្ចបានឲ្យដឹងថា រថយន្តធំម៉ាកHYUNDAIMIGHTY ដឹកទំនិញធុនធំ ពាក់ស្លាកលេខស្វាយរៀង3A-1769 បានបុកជាមួយរថយន្តតូច ម៉ាកលុចស៊ីសRX300 ពាក់ស្លាកលេខ ភ្នំពេញ2P-2636 បើកបញ្ច្រាសទិសគ្នា លើផ្លូវជាតិលេខ៤៨ ក្នុងភូមិតាធង ឃុំដងពែង ស្រុកស្រែអំបិល បណ្តាលឲ្យមានមនុស្សស្លាប់ និងរបួសតែម្តង។
អ្នកបើកបររថយន្តធំ ឈ្មោះ ផាន ស៊ាងឡេង ភេទ ប្រុស អាយុ២៥ឆ្នាំ មានទីលំនៅ ភូមិស្រែស្ពៃ ឃុំគងជ័យ ស្រុក អូររាំងឪ ខេត្តកំពង់ចាម បានរត់គេចខ្លួនបាត់។ រីឯរថយន្តតូច បើកបរដោយឈ្មោះ ឈួន សុភ័ក្ត្រ ភេទប្រុស អាយុ៤២ឆ្នាំ មានទីលំនៅភូមិឈូក ឃុំជីខលើ ស្រុកស្រែអំបិល រងរបួសស្រាល។ នៅលើរថយន្តនេះ មានអ្នករួមដំណើរជាមួយចំនួន ៤នាក់ទៀត រួមមាន៖
១/ឈ្មោះ ភ័ក្ត្រ ចរិយា ភេទស្រី អាយុ១៧ឆ្នាំ ត្រូវជាកូន(ស្លាប់)។
២/ឈ្មោះ ឈួន.លីហ៊ួ ភេទប្រុស អាយុ០៤ឆ្នាំ ត្រូវជាកូនរងរបួសធ្ងន់។
៣/ ឈ្មោះ ឈួន.គឹមលាង ភេទស្រី អាយុ០៦ឆ្នាំ ត្រូវជាកូន រងរបួសធ្ងន់ អ្នកទាំងពីរត្រូវបានសាច់ញាតិបញ្ជូនទៅព្យាបាលនៅពេទ្យភ្នំពេញ។
៤/ឈ្មោះ ឡុង.ហ៊ួយ ភេទស្រី អាយុ២៧ឆ្នាំ ត្រូវជាប្អូនថ្លៃ (ស្លាប់)។
ករណីនេះ នគរបាលជំនាញ បន្តដោះស្រាយតាមនីតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។