ក្រឡាប់រថយន្តចូលប្រឡាយទឹក ស្លាប់ស្រ្តីនគរបាលម្នាក់ និងប្អូនប្រុស ពេលចុះបំពេញការងារតាមការិយាល័យបោះឆ្នោត
ខេត្តព្រៃវែង ៖ ស្ត្រីជានគរបាលម្នាក់ និងអ្នកបើកបរជាប្អូនប្រុសបង្កើតម្នាក់បានស្លាប់ កាលពីវេលាម៉ោង ១៤និង៤១នាទីកាលពីថ្ងៃទី៥ ខែមិថុនា ឆ្នាំ២០២២ នៅចំណុចភូមិពពេលឃុំក្របៅ ស្ថិតនៅភូមិសំបូ ឃុំ ជាច ស្រុកកំចាយមារ ខេត្តព្រៃវែង ក្រោយពីរថយន្តក្រឡាប់ធ្លាក់ចូលប្រឡាយទឹក។
អធិការនគរបាលស្រុកកំចាយមារ បានឲ្យដឹងថា ស្រ្តីរងគ្រោះមានឈ្មោះ សួង សុភាក់ អាយុ២៨ឆ្នាំ រស់នៅភូមិអណ្ដូងស្អាត ឃុំក្របៅ ស្រុកកំចាយមារ ជាមន្រ្តីនគរបាលជាតិ នៅប៉ុស្ដិ៍រដ្ឋបាលក្របៅ នៃអធិការដ្ឋាននគរបាលកំចាយមារ និង ប្អូនប្រុសឈ្មោះ សួង វិសាល អាយុ១៥ឆ្នាំ។
គ្រោះថ្នាក់ចរាចរណ៍នេះ បានកើតឡើងចំពេលជនរងគ្រោះកំពុងចុះទៅបំពេញបេសកម្មយាមការិយាល័យបោះឆ្នោតលេខ០១៦១។ លោកបានបញ្ជាក់ថា ជនរងគ្រោះទាំងពីរនាក់ត្រូវបានប្រជាពលរដ្ឋ និងសមត្ថកិច្ចជួយយកចេញពីរថយន្ត តែបានស្លាប់ពេលបញ្ជូនទៅកាន់មន្ទីរពេទ្យ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។