កូនភ្លោះ២នាក់ ម្នាក់ស្លាប់ ម្នាក់ទៀតរបួសធ្ងន់ ក្នុងហេតុការណ៍គ្រោះថ្នាក់ចរាចរណ៌មួយ នៅស្រុកព្រៃនប់
ខេត្តព្រះសីហនុ៖ ក្មេងស្រី២នាក់ ជាបងប្អូនបង្កើត (កូនភ្លោះ) ជួបគ្រោះថ្នាក់ចរាចរណ៌ ម្នាក់បានស្លាប់ ម្នាក់ទៀតរបួសធ្ងន់ កាលពីម៉ោង០២ និង៤០នាទី ថ្ងៃទី០៦ ខែមិថុនា ឆ្នាំ២០២២ លើផ្លូវជាតិលេខ៤ ក្នុងភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ។
របាយការណ៏ពីសមត្ថកិច្ចបញ្ជាក់ថា គ្រោះថ្នាក់ចរាចរណ៌នេះ កើតឡើងរវាងម៉ូតូ ០១គ្រឿងម៉ាក HONDA DREAMS C125 ពណ៌ខ្មៅ ពាក់ផ្លាកលេខ ព្រះសីហនុ1J-6270 បើកបរទិសដៅចេញពីផ្លូវសម្តចព្រះសង្ឃរាជទេពវង្ស អ្នកបើកបរឈ្មោះ ប៉ាក់ ស្រីតូច ភេទ ស្រី អាយុ១៤ឆ្នាំ មុខរបរកម្មករទឹកសុទ្ធ និងអ្នករួមដំណើរម្នាក់ ឈ្មោះ ប៉ាក់ ស្រីធំ ភេទស្រី អាយុ១៤ឆ្នាំ មុខរបរកម្មករទឹកសុទ្ធ អ្នកទាំង០២មានទីលំនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុជាបងប្អូនភ្លោះ បានជ្រុលទៅបុកប៉ះរថយន្ដ០១គ្រឿងម៉ាកHI NO ពណ៌ខៀវ ពាក់ផ្លាកលេខ ភ្នំពេញ 3A-0934 (អ្នកបើកបរមិនស្គាល់អត្តសញ្ញាណរត់គេចខ្លួនបាត់)បើកបរលើផ្លូវជាតិលេខ៤ក្នុងទិសដៅពីភ្នំពេញ-ខេត្តព្រះសីហនុ ដោយភាគីខាងម៉ូតបុកប៉ះចំហៀងខាងស្តាំរថយន្តតែម្តង បណ្តាលឲ្យឈ្មោះ ប៉ាក់ ស្រីធំ អ្នករួមដំណើរលើម៉ូតូស្លាប់នៅមន្ទីរពេទ្យ និឈ្មោះ ប៉ាក់ ស្រីតូច អ្នកបើកបរម៉ូតូ រងរបួសធ្ងន់ ។
ករណីនេះសមត្ថកិច្ចជំនាញអធិការដ្ឋាននគរបាលស្រុកព្រៃនប់ បាននាំយកវត្ថុតាងរថយន្តនិងម៉ូតូ មកចាត់ចែងបន្ដតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។