សហព័ន្ធខ្មែរកីឡាទោចក្រយាន រៀបចំកម្មវិធីជិះកង់ “អបអរសាទររំលឹកខួបលើកទី៤៥ នៃទិវាចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ប៉ុលពត”

សហព័ន្ធខ្មែរកីឡាទោចក្រយាន ជម្រាបជូនដំណឹងដល់ក្លិប-សមាគម និងសាធារណជន ដែលស្នេហាវិស័យ កីឡាទោចក្រយានទាំងអស់ឱ្យបានជ្រាបថា៖ សហព័ន្ធសហការជាមួយកងរាជអាវុធហត្ថលើផ្ទៃប្រទេស នឹងរៀបចំកម្មវិធីជិះកង់ដើម្បី “អបអរសាទររំលឹកខួបលើកទី៤៥ នៃទិវាចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ប៉ុលពត” ដែលនឹងប្រព្រឹត្តទៅនាថ្ងៃទី១៩ ខែមិថុនា ឆ្នាំ២០២២ ដោយចេញដំណើរពីមុខវិមានឈ្នះឈ្នះ ឆ្ពោះទៅកាន់ភូមិកោះថ្ម ស្រុកមេមត់ ខេត្តត្បូងឃ្មុំ។

ពាក្យចូលរួមកម្មវិធីជិះកង់នេះ នឹងចាប់ផ្តើមទទួលចាប់ពីថ្ងៃជូនដំណឹងនេះ រហូតដល់ថ្ងៃទី១៥ ខែមិថុនា ឆ្នាំ២០២២ នៅទីស្នាក់ការសហព័ន្ធខ្មែរកីឡាទោចក្រយាន ស្ថិតនៅក្នុងអាគារទីស្នាក់ការគណៈកម្មាធិការជាតិ អូឡាំពិកកម្ពុជា (NOCC)ជាន់ទី២។

សេចក្តីលម្អិតសូមពិនិត្យមើលលិខិតជូនដំណឹងជូនភ្ជាប់មកជាមួយ៖

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។