ករណីឆេះផ្ទះនៅខណ្ឌច្បារអំពៅល្ងាចមិញ បំផ្លាញផ្ទះអស់៣៧ខ្នង
នៅវេលាម៉ោងប្រមាណ ៤រសៀល ថ្ងៃទី២០ ខែមិថុនា ឆ្នាំ២០២២ មានករណីអគ្គីភ័យឆេះផ្ទះ នៅចំណុចភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។
បើយោងតាមរបាយការណ៍របស់សមត្ថកិច្ច អគ្គិភ័យនេះបានផ្តើមចេញពីផ្ទះ ឈ្មោះ លឹម ភារុណ ភេទ ប្រុស អាយុ ៤២ ឆ្នាំ មុខរបរ មិនពិតប្រាកដ ហើយបានរាលដាលទៅឆេះផ្ទះប្រជាពលរដ្ឋក្បែរៗនោះសរុបចំនួន ៣៧ខ្នង រួមទាំងសម្ភារៈមួយចំនួនធំ ប៉ុន្តែមិនបណ្តាលឲ្យមនុស្សណាម្នាក់ស្លាប់ ឬរងរបួសឡើយ។
ករណីអគ្គិភ័យនេះ សមត្ថកិច្ចបានបញ្ជាក់ថា មូលហេតុគឺបណ្តាលមកពីការដុតផ្ទះ ។
យ៉ាងណាក៏ដោយ ក្រោយកើតហេតុ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រេីប្រាស់រថយន្តការិយាល័យអគ្គិភ័យចំនួន ២៣ គ្រឿងចេញទៅអន្តរាគមន៍ ដោយប្រេីប្រាស់ទឹកអស់ ២៣ រថយន្ត ស្មើរនឹង ៩២ ម៉ែត្រគូប ដោយធ្វើឲ្យភ្លើងរលត់វិញនៅវេលាម៉ោងប្រមាណ៦ល្ងាចថ្ងៃដដែល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។