មេឈ្មួញបំផ្លាញព្រៃឈេីដ៍សកម្មឈ្មោះ ហូវ ជីវ៉ៃ អាងអំណាចលោកគឹមរស្មី ?
ខេត្តរតនគិរី: ប្រភពពីមន្ត្រីនគរបាលនៅក្នុងស្នងការដ្ឋាននគរបាលខេត្តរតនគិរី បានឲ្យដឹងថា ការដែលលោកហូវជីវ៉ៃ ហ៊ានធ្វើអ្វីៗតាមអំពើចិត្ត គឺដោយសារមានលោកគឹមរស្មីមេប៉េអុឹមខេត្តរតនគិរីជាអ្នកនៅពីក្រោយខ្នងបង្អែករឹងមាំប្រភពពីមន្ត្រីនៅច្រកទ្វារអន្តរជាតិអូរយ៉ាដាវ ស្រុកអូរយ៉ាដាវ ខេត្តរតនគិរី បានឲ្យដឹងថា បច្ចុប្បន្នឈ្មួញជាច្រើននាក់នៅតែបន្តសកម្មភាពដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិអូរយ៉ាដាវ យ៉ាងពេញបន្ទុកជាពិសេសនៅពេលយប់។ ការដែលឈ្មួញទាំងនោះអាចដឹកជញ្ជូនឈើចេញទៅស្រុកយួនយ៉ាងរលូន គឺមានការសម្របសម្រួលពីសំណាក់លោកឧត្តមសេនីយ៍ត្រី
v អ៊ី ចំរើន មេនគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវ ដែលគិតតែពីរឿងផលប្រយោជន៍ផ្ទាល់ខ្លួន។ ប្រភពពីសមត្ថកិច្ចពាក់ព័ន្ធក្នុងខេត្តរតនគិរី បានឲ្យដឹងថា បច្ចុប្បន្នឈ្មួញដែលសម្រុកដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិអូរយ៉ាដាវ ច្រើនជាងគេគឺឈ្មួញឈ្មោះ ហូវ ជីវ៉ៃ ដែលជាមន្ត្រីអាវុធហត្ថខេត្តរតនគិរី និងឈ្មួញឈ្មោះ ណាប់ វណ្ណៈ ហៅណាក់ក្បាលធំ ដែលជាមន្ត្រីអាវុធហត្ថខេត្តរតនគិរី ផងដែរ។ ឈ្មួញទាំង២នាក់នេះមានទំនាក់ទំនងយ៉ាងជិតស្និទ្ធជាមួយលោក អ៊ី ចំរើន មេនគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវ ហើយពួកគេមានលោកឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្តរតនគិរី ជាបង្អែករឹងមាំទៀតផង។ ដូច្នេះហើយទើបព្រៃឈើដែលនៅសេសសល់ក្នុងខេត្តរតនគិរី កំពុងប្រឈមនឹងសេចក្ដីវិនាសព្រោះលោក អ៊ី ចំរើន មេនគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវ ជាអ្នកឃុបឃិតឲ្យឈ្មួញឈ្មោះ ហូវ ជីវ៉ៃ និងឈ្មួញឈ្មោះ ណាប់ វណ្ណៈ ព្រមទាំងឈ្មួញច្រើននាក់ទៀតបន្តសកម្មភាពដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិអូរយ៉ាដាវ យ៉ាងពេញបន្ទុក។ ប្រភពដែលស្និទ្ធនឹងលោក អ៊ី ចំរើន មេនគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវ បានឲ្យដឹងថា ចាប់តាំងពីលោក គៀត ច័ន្ទថារិទ្ធ ឡើងកាន់តំណែងជាអគ្គនាយកនៃអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃ គឺលោក អ៊ី ចំរើន មានអំណាចកាន់តែធំធេងក្នុងការឃុបឃិតឲ្យឈ្មួញដឹកជញ្ជូនឈើចេញទៅស្រុកយួនយ៉ាងរលូនតែម្តង។ សកម្មជនព្រៃឈើនិងមន្ត្រីអង្គការក្រៅរដ្ឋាភិបាល បានកត់សម្គាល់ថា ចាប់តាំងពីចុងខែកក្កដា រហូតមកដល់ពេលនេះគឺលោក អ៊ី ចំរើន ឃុបឃិតបើកដៃឲ្យឈ្មួញដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិអូរយ៉ាដាវ កានតែច្រើនឡើងៗ។ ប្រការនេះកំពុងធ្វើឲ្យព្រៃឈើនៅសេសសល់ក្នុងស្រុកលំផាត់ ស្រុកវ៉ើនសៃ ស្រុកតាវែង ស្រុកអណ្ដូងមាស និងស្រុកអូរយ៉ាដាវ ខេត្តរតនគិរី ចៀសមិនផុតពីសេចក្ដីវិនាសសាបសូន្យនោះទេ៕ពាក់ពន្ធ័និងការដឹកឈេីចេញតាមច្រកអន្តរជាតិទ្វេភាគីអូរយ៉ាដាវយ៉ាងគគ្រឹកគគ្រេងនៅពេលយប់ប៉ុន្មានថ្ងៃនេះលោកឧត្តមសេនីយ៏ត្រី អី ចំរេីនមេប៉ុស្តិ៏ដ៏មានឥទ្ធិពលបានប្រាប់ខ្មែរ៧មករាថារយះពេលជិតមួយខែហេីយគ្មានការដឹកឈេីទៅវៀតណាមតាមច្រកអូយ៉ាដាវទេ?ព្រោះច្រកបេីកចាប់ពីម៉ោង៧ព្រឹកដល់ម៉ោង៥ល្ងាចបិទលេីកលែងតែករណីពិសេសមានអ្នកជំងឺឈឺត្រូវទៅព្យាបាលឬសង្គ្រោះបន្ទាន់នៅប្រទេសវៀតណាមទេីបមានការបេីកច្រកមិនដូចការចុះផ្សាយកាសែតនិងគេហទំព័រក្នុងស្រុកមួយចំនួនបានចុះផ្សាយឡេីយ៕តាមសេចក្តីរាយការណ៏ពីខេត្តរតនគិរីបានអោយដឹងថាសកម្មភាពនៃការដឹកជញ្ជូនឈេីនៅមួយរយះធំនេះគេសង្កេតឃេីញភាគច្រេីនជាឈេីរបស់មេឈ្មួញជនជាតិវៀតណាមឈ្មោះ ហូវជីវ៉ៃដែលគេស្គាល់ថាជាកូនជឹងលោកគឹមរស្មី មេប៉េអឹុមខេត្តរតនគិរីទេីបការដឹកឈេីឆ្លងទៅប្រទេសវៀតណាមបានជារៀងរាល់ថ្ងៃនិងរាល់យប់បាន៕ពាក់ពន្ធ័ករណីខាងលេីនេះកាលពីព្រឹកថ្ងៃទី២៦ខែវិច្ឆិកាឆ្នាំ២០១៨ខ្មែរ៧ទាក់ទងសំភាសន៏ទៅលោកហូវជីវ៉ៃទូរសព្ឌ័ខលចូលប៉ុន្តែគ្មានអ្នកទទួល។គួរបញ្ជាក់ថារយះពេលថ្មីៗនេះមេឈ្មួញឈ្មោះ ហូវជីវ៉ៃនិងបក្សពួកបានគែនគរប្រមូលប្រជាពលរដ្ឌអោយចូលអារឈេីនៅក្នុងតំបន់សហគមន៏អណ្តូងមាសរួចបន្តដឹកទៅប្រទេសវៀតណាមយ៉ាងរលូន។គួររំលឹកផងដែលថាកាលពីថ្មីៗកន្លងទៅសម្តេចក្រឡាហោមសខេងឧបនាយករដ្ឌមន្ត្រីរដ្ឌមន្ត្រីក្រសួងមហាផ្ទៃធ្លាប់បានធ្វេីការព្រមានអោយលោកអភិបាលខេត្តទាំងបីមានខេត្តរតនគិរី ខេត្តក្រចេះនិងខេត្តមណ្ឌលគិរីធ្វេីការទប់ស្កាត់ការកាប់និងដឹកជញ្ជូនឈេីឆ្លងដែនទៅប្រទេសវៀតណាមបែរជាអស់លោកចៅហ្វាយខេត្តទាំងនោះមិនយកត្រចៀកស្តាប់អនុសាសន៏របស់សម្តេចក្រឡាហោមទៅវិញ ?ឬមួយអស់លោកចៅហ្វាយខេត្តទាំងបីយកបទបញ្ជាឬអនុសាសន៏របស់សម្តេចក្រឡាហោមស្តាប់ចូលត្រចៀកម្ខាងចេញតាមត្រចៀកម្ខាងបានជានៅតែមានការកាប់និងដឹកជញ្ជូនឈេីឆ្លងដែនជារៀងរាល់យប់និងតាមច្រកសំខាន់យ៉ាងនេះ ?។ក្រុមអ្នកវិភាគបានព្រលយអោយដឹងថាភាគច្រេីនឈ្មួញដែលរកសុីដឹកឈេីបានភាគច្រេីនសុទ្ឌតែជាមនុស្សរបស់អស់លោកធំៗនៅខេត្តនិមួយៗទេីបដំណេីរការដឹកជញ្ជូនឈេីមិនមានការភិតភ័យពីការចាប់?បេីអោយតែរបៀបនិងព្រៃឈេីមិនយូរប៉ុន្មាននិងវិនាសហិនហោចជាមិនខាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។