បើកបរខ្វះការប្រុងប្រយ័ត្ន រថយន្តស្រោចកៅស៊ូជែងជ្រុលទៅបុករថយន្តដឹកដែកបណ្តាលឲ្យខ្ទេចក្បាលរបួសធ្ងន់ម្នាក់
រាជធានីភ្នំពេញ៖រថយន្តដឹកស៊ីទែនស្រោចកៅស៊ូមួយគ្រឿង ដោយអ្នកបើកបរខ្វះការប្រុងបរយ័ត្នប្រជែង្ជ្រុលទៅបុករថយន្តកុងតឺន័រដឹកដែកចតស្ងៀមពីក្រោយបណ្តាលឲ្យរងខូចខាតខ្ទេចក្បាលខាងមុខ និងរបួសធ្ងន់មនុស្សម្នាក់ហេតុការណ៍នេះបានកើតឡើងនាវេលាម៉ោង១៧:០០នាទីល្ងាច ថ្ងៃទី២៦ ខែវិច្ឆិកា ឆ្នាំ២០១៨ នៅតាមផ្លូវទំនប់កប់ស្រូវ ភូមិសំរោង សង្កាត់សំរោងក្រោម ខណ្ឌពោធិសែនជ័យ។
បើតាមព័ត៌មាននៅកន្លែងកើតហេតុបានឲ្យដឹងថាមុនកើតហេតុគេឃើញរថយន្តបង្ករជារថយន្តស្រោចកៅស៊ូ ស៊ីទែនពណ៌លឿង ក្បាលពណ៌ស ពាក់ស្លាកលេខ ព្រះសីហនុ 3A-6126 បើកបរល្បឿនលឿន ស្របពេលដែលមេឃកំពុងភ្លៀងរលឹម បោះពួយ គ្មានខ្វល់ទើសពីណា ទីបំផុត ទៅដល់ចំណុចកើតហេតុ ជែង រថយន្តខាងមុខ ចំណុចផ្លូវកោង ជ្រុលចង្កូត ទៅបុកពីក្រោយ រថយន្តកុងតឺន័រ ដឹកដែក ពណ៌ខៀវ ពាក់ស្លាកលេខ ភ្នំពេញ 3C-4469 កំពុងចតស្ងៀម លើចិញ្ចើមផ្លូវ បណ្តាលឲ្យរងខូចខាត ខ្ទេចរថយន្តបង្ករ រងរបួសធ្ងន់ម្នាក់។
ក្រោយកើតហេតុតំណាងក្រុមហ៊ុនទាំងសងខាង ចេញមុខមកដោះស្រាយ ដោយដឹងនូវកំហុសខ្លួន បើកបរខ្វះការប្រុងប្រយ័ត្ន ដោយយករថយន្តទៅធ្វើរៀងៗខ្លួន។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។