អបអរសាទរ! ក្រុមកីឡាការិនីប៉េតង់កម្ពុជា អ៊ុក ស្រីមុំ និងកីឡាការិនី អ៊ុន ស្រីយ៉ា ដណ្តើមបានមេដាយមាសលើវិញ្ញាសា ២នាក់ ទល់២នាក់
ក្រោយពីបានយកឈ្នះកីឡាការិនីប៉េតង់បារាំង នៅវគ្គផ្តាច់ព្រ័ត្រ ដោយលទ្ធផល ៧ទល់៥ នៅព្រឹកថ្ងៃទី១៤ ខែកក្កដានេះ (ម៉ោងនៅកម្ពុជា) នៃការប្រកួតកីឡាពិភពលោក (World Games) ឆ្នាំ២០២២ នៅសហរដ្ឋអាមេរិក។
ប្រភេទកីឡាប៉េតងកម្ពុជា ដែលចូលរួមប្រកួត ២វិញ្ញាសា គឺឈ្នះមេដាយមាសទាំង២វិញ្ញាសា ដោយមេដាយមាសទី១ ដណ្តើមបានដោយកីឡាការិនី អ៊ុក ស្រីមុំ លើវិញ្ញាសាវាយយកពិន្ទុ កាលពីម្សិលមិញ។ ប្រតិភូកីឡាប៊ូល និងប៉េតង់កម្ពុជាបានបញ្ចប់បេសកកម្មនៃព្រឹត្តិការណ៍កីឡាពិភពលោកនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។