យុវជនតំណាងកម្ពុជា ៧រូប ចូលរួមកិច្ចប្រជុំនិម្មិត អ្នកដឹកនាំយុវជនអាស៊ីវ័យក្មេង Asia Youth Leader 2022!
យុវជនតំណាងកម្ពុជាចំនួន៧រូប(ស្រី២រូប) បានចូលរួមកិច្ចប្រជុំនិម្មិត ក្នុងកម្មវិធី”អ្នកដឹកនាំយុវជនអាស៊ីវ័យក្មេង” ដែលប្រព្រឹត្តទៅនៅសណ្ឋាគារ Hyatt Regency Phnom Penh ចាប់ពីថ្ងៃទី២៣-២៥ ខែសីហា ឆ្នាំ២០២២ ក្រោមប្រធានបទ “អនាគតរបស់អាហារ ផ្តើមចេញពីផ្នត់គំនិតនៃការប្រើប្រាស់អាហារប្រកបដោយចីរភាព The Future of Food from the Perspective of Sustainable Food Consumption”។
គួរបញ្ជាក់ផងដែរថា នេះជាកម្មវិធីប្រចាំឆ្នាំរបស់ Aeon 1% Club Foundation ដែលអញ្ជើញយុវជនតំណាងប្រទេសអាស៊ីចំនួន៨ប្រទេស (សរុប៧០រូប)។
កម្មវិធីនេះមានគោលបំណងលើកកម្ពស់ការយល់ដឹង និងការស្រឡាញ់ចំពោះតម្លៃនៃវប្បធម៌របស់ប្រទេសចូលរួមតាមរយ:ការពិភាក្សាក្រុមនិងការជជែកដោះស្រាយបញ្ហារបស់ប្រធានបទ ជាពិសេសផ្តល់ជាវាទិកានៃការកសាងចំណងមិត្តភាពក្នុងចំណោមយុវជនរួមជំនាន់។ កម្មវិធីនេះផងដែរជាគំនិតផ្តួចផ្តើមរបស់ភាគីជប៉ុន ក្រោមជំនួយឧបត្ថម្ភទាំងស្រុងពី Aeon 1% Club Foundation៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។