ឥណ្ឌា បន្តជួយក្នុងការងារអភិរក្សប្រាសាទបុរាណ និងរៀបចំឲ្យមានការសិក្សាស្វែងយល់ភាសាសំស្ក្រឹត និងភាសាខ្មែរ នៅកម្ពុជា
ភ្នំពេញ៖ នាព្រឹកថ្ងៃទី២៩ ខែសីហា ឆ្នាំ២០២២ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈទទួលជួបឯកឧត្តមបណ្ឌិត Vinay Sahasrabuddhe, President of Indian Council for Cultural Relations (ICCR) ដើម្បីសម្តែងការគួរសម និងពិភាក្សាការងារលើវិស័យវប្បធម៌ក្នុងឱកាសដែលឯកឧត្តមមកបំពេញទស្សនកិច្ចផ្លូវការនៅកម្ពុជា។
ក្នុងជំនួបពិភាក្សា លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រី និងឯកឧត្តមបណ្ឌិត Vinay Sahasrabuddhe, President of ICCR បានរម្លឹកពីកិច្ចសហប្រតិបត្តិការដ៏ល្អរវាងប្រទេសទាំងពីរ ដែលមានតាំងពីយូរលង់ណាស់មកហើយរហូតមកដល់បច្ចុប្បន្ន ទាំងលើវិស័យវប្បធម៌ នយោបាយ និងការទូត។
ទាក់ទងនឹងកិច្ចការវប្បធម៌ ភាគីទាំងពីរតែងតែធ្វើការផ្លាស់ប្តូរប្រតិភូទៅវិញទៅមក ហើយភាគីឥណ្ឌា ក៏បានជួយច្រើនក្នុងកិច្ចការអភិរក្សប្រាសាទបុរាណនៃព្រះរាជាណាចក្រកម្ពុជា ។
ទាក់ទងនឹងកម្មវិធីកិច្ចសហប្រតិបត្តិការវប្បធម៌ ភាគីឥណ្ឌានៅតែបន្តជួយក្នុងការងារអភិរក្សប្រាសាទបុរាណ ការរៀបចំឲ្យមានការសិក្សាស្វែងយល់ភាសាសំស្ក្រឹត និងភាសាខ្មែរ ការផ្លាស់ប្តូរថ្នាក់ដឹកនាំវ័យក្មេង និងការលើកស្ទួយសារមន្ទីរវាយនភណ្ឌនៅខេត្តសៀមរាប៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។