គ្រោះថ្នាក់ចរាចរណ៍ទាំងព្រឹក! សម្លាប់បុរសម្នាក់ នៅស្រុកព្រៃនប់
ព្រះសីហនុ៖ យ៉ាងហោចណាស់បុរសម្នាក់ ជាជាងជួសជុលម៉ូតូម្នាក់ បានស្លាប់ទាំងព្រឹក ក្នុងហេតុការណ៍គ្រោះថ្នាក់ចរាចរណ៍មួយ នាព្រឹកថ្ងៃទី០៧ កញ្ញា នេះ លើផ្លូវជាតិលេខ៤ ក្នុងភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។
សមត្ថកិច្ចស្រុកព្រៃនប់ បានឲ្យដឹងថា គ្រោះថ្នាក់ចរាចរណ៍នេះ កើតឡើងរវាងរថយន្ត ១គ្រឿង ម៉ាកហាយឡេនឌ័រ ពណ៌ខ្មៅ បានបុកម៉ូតូជនរងគ្រោះ ហើយខ្ទាតទៅប៉ះផ្ទប់នឹងរថយន្តកុងតឺន័រ ១គ្រឿងទៀត បណ្ដាលឲ្យអ្នកបើកបរម៉ូតូស្លាប់ភ្លាមៗ នៅកន្លែងកើតហេតុ។
ក្រោយកើតហេតុសមត្ថកិច្ចស្រុកព្រៃនប់ បានចុះអន្តរាគមន៌ សម្រួលចរាចរណ៍ និងដោះស្រាយបន្តតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។