ជំនន់នៅខេត្តប៉ៃលិន លិចផ្ទះប្រជាពលរដ្ឋជាង៧០ខ្នង និងបន្តកើនឡើងទៀត
ក្រសួងធនធានទឹក និងឧត្តុនិយមបានអោយដឹងថា ខេត្តប៉ៃលិន ក្រោយពីភ្លៀងធ្លាក់យ៉ាងគំហុកមួយមេ ក្នុងកម្រិតពី ( ៥០,០មម ទៅ ៦៥.០មម ) ក្នុងស្រុកសាលាក្រៅ កាលពីរសៀលថ្ងៃទី២ ខែតុលា ឆ្នាំ២០២២ គិតត្រឹមវេលាថ្ងៃត្រង់នេះថ្ងៃទី៣ ខែតុលា ឆ្នាំ២០២២ ជំនន់ទឹកភ្លៀងបានបង្កផលប៉ះពាល់ ដល់លំនៅដ្ឋានប្រជាពលរដ្ឋប្រមាណជាង ៧០ខ្នងផ្ទះ ( បន្តកើនឡើងទៀត ) ដីកសិកម្ម និងហេដ្ឋារចនាសម្ព័ន្ធមួយចំនួន ក្នុងស្រុកសាលាក្រៅ ។
យ៉ាងណាក៏ដោយដើម្បីកាត់បន្ថយផលប៉ះពាល់ទៅលើលំនៅដ្ឋានប្រជាពលរដ្ឋ ដំណាំកសិកម្ម និងហេដ្ឋារចនាសម្ព័ន្ធនានា ជាពិសេសហេដ្ឋារចនាសម្ព័ន្ធប្រព័ន្ធធារាសាស្ត្រ ដែលបង្កឡើងដោយជំនន់ទឹកភ្លៀង មន្ទីរធនធានទឹក និងឧតុនិយមខេត្តប៉ៃលិន បានចាត់ចែងមន្ត្រីប្រចាំការតាមគោលដៅសំខាន់ៗ ដើម្បីតាមដានស្ថានភាពទឹក និងបានបើកទ្វារទឹកតាមសំណង់នានា ក្នុងគោលបំណងរំលួសទឹកចេញពីក្នុងអាង និងអូរនានា ទុកជាមុន ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។