ប្រកួតកីឡាប៊ូល និងប៉េតង់ ជ្រើសរើសជើងឯកថ្នាក់តំបន់ មណ្ឌលភ្នំពេញ បញ្ចប់ដោយជោគជ័យ
មន្ទីរអប់រំ យុវជន និងកីឡា រាជធានីភ្នំពេញ បានរៀបចំការប្រកួតកីឡាប៊ូ និងប៉េតង់ ជ្រើសរើសជើងឯកថ្នាក់តំបន់ មណ្ឌលភ្នំពេញ ឆ្នាំ២០២២ ដែលមានក្លឹបចូលរួមសរុប ១១ក្លឹប ប្រកួតលើ ៤វិញ្ញាសា
១. វិញ្ញាសា ១ទល់១ មិនកំណត់អាយុ នារី
២. វិញ្ញាសា ១ទល់១ មិនកំណត់អាយុ បុរស
៣. វិញ្ញាសា ១ទល់១ យុវជនអាយុក្រោម ១៨ឆ្នាំ
៤. វិញ្ញាសា ២ទល់២ ចម្រុះ។
លោក ស្រេង សេង ប្រធានការិយាល័យកីឡា តំណាងលោក ហែម យ៉ារ៉េត ប្រធានសម្ព័ន្ធប៊ូល និងបេ៉តង់ និងជាប្រធានមន្ទីរអប់រំ យុវជន និងកីឡា រាជធានីភ្នំពេញ បានចូលរួមពិធីបិទការប្រកួតកីឡាប៊ូល និងប៉េតង់ មណ្ឌលរាជធានីភ្នំពេញ នៅវិទ្យាល័យជាស៊ីមសាមគ្គី។
លោក ស្រេង សេង បានបញ្ជាក់ថាក្រោយពីការប្រកួតអស់រយៈពេល ១ថ្ងៃ ក៏បានសម្រិតសម្រាងកីឡាករ កីឡាការិនី ដែលជាតំណាងដើម្បីទៅចូលរួមការប្រកួតថ្នាក់ជាតិ ឆ្នាំ២០២២៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។