សហព័ន្ធកីឡាបាល់បោះកម្ពុជា សហការជាមួយក្រុមហ៊ុន TNAOT APP រៀបចំប្រកួតកីឡាបាល់បោះ ៣x៣
ភ្នំពេញ៖ កាលពីថ្ងៃទី១០ ខែតុលា ឆ្នាំ២០២២ ឯកឧត្តម អ៊ុក សិទ្ធិជាតិ អគ្គនាយក នៃអគ្គនាយកដ្ឋានកីឡា និងជាអនុប្រធានសហព័ន្ធកីឡាបាល់បោះកម្ពុជា បានប្រជុំពិភាក្សាជាមួយ ក្រុមការងារសារព័ត៌មាន TNAOT APP ស្តីពីការ ត្រៀមរៀបចំការប្រកួតពានរង្វាន់បាល់បោះ TNAOT ៣x៣ ដែល ប្រព្រឹត្តទៅចាប់ពីថ្ងៃទី២៣ ដល់ថ្ងៃទី២៩ ខែតុលា ឆ្នាំ២០២២ នៅពហុកីឡដ្ឋានអូឡាំពិក។
សូមបញ្ជាក់ថា សហព័ន្ធកីឡាបាល់បោះកម្ពុជា Cambodia Basketball Federation និង សារព័ត៌មាន TNAOT APP បានទទួលសិទ្ធិពី អគ្គនាយកដ្ឋានកីឡា Directorate General of Sports – DGS ក្នុងការរៀបចំការប្រកួតពានរង្វាន់បាល់បោះ ៣x៣ ដែលចែកចេញជា ៤ប្រភេទវិញ្ញាសា ដូចខាងក្រោម៖
១.ពានរង្វាន់ផ្នែកបុរសកំរិតមធ្យុមសិក្សា ៣x៣
២.ពានរង្វាន់ផ្នែកបុរសកំរិតឧត្តមសិក្សា ៣x៣
៣.ពានរង្វាន់ផ្នែកបុរសមហាជន ៣x៣
៤.ពានរង្វាន់ផ្នែកនារីមហាជន ៣x៣ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។