ភ្ញៀវទេសចរជិត៤៤ម៉ឺននាក់ ចេញដើរកម្សាន្ត នាសប្ដាហ៍ចុង ខែធ្នូនេះ
ភ្នំពេញ៖ បើតាមក្រសួងទេសចរណ៍ បញ្ជាក់ថា ភ្ញៀវទេសចរជិត ៤៤ម៉ឺននាក់ បានចេញដើរកម្សាន្ត នាសប្ដាហ៍ចុងខែធ្នូនេះ ចាប់ពីថ្ងៃទី១៩-២៥ ខែធ្នូ ឆ្នាំ២០២២។
ក្រសួងបញ្ជាក់ថា នៅទូទាំងប្រទេស ទទួលបានភ្ញៀវទេសចរសរុបមានចំនួន ៤៣៩,០៤៦នាក់ ក្នុងនោះភ្ញៀវជាតិមាន ៤០២,៣៤៧នាក់ និងភ្ញៀវបរទេសមាន ៣៦,៦៩៩នាក់។
គោលដៅទេសចរណ៍សំខាន់ៗ រួមមាន៖
* ខេត្តព្រះសីហនុ ១៩០,០១៥នាក់
* ខេត្តសៀមរាប ៧៦,០២២នាក់
* រាជធានីភ្នំពេញ ៣២,១៧៥នាក់
* ខេត្តកំពត ២៧,៦៨១នាក់
* ខេត្តបាត់ដំបង ១៩,៩៧០នាក់
* ខេត្តកំពង់ចាម ១៤,១៦១នាក់
* ខេត្តកែប ១០,៨៧៨នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។