បង្ក្រាបគ្រឿងញៀនជាង ២គីឡូក្រាម ឃាត់ខ្លួនជនល្មើស ២នាក់ ខណ្ឌច្បារអំពៅ
កម្លាំងជំនាញ នៃមន្ទីរប្រឆាំងបទល្មើសគ្រឿងញៀន សហការជាមួយស្នងការរាជធានីភ្នំពេញ បានចុះបង្ក្រាបករណីជួញដូរសារធាតុញៀនខុសច្បាប់ កាលពីថ្ងៃទី១៦ ខែឧសភា ឆ្នាំ២០២៤ នៅចំណុចបន្ទប់ជួលមួយកន្លែង ក្នុងសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
ការបង្ក្រាបនេះ បានចាប់ខ្លួនជនល្មើសចំនួន ០២នាក់៖ ១៖ ឈ្មោះ ម៉ែន ប្រុសពៅ ភេទប្រុស អាយុ២៦ឆ្នាំ ជនជាតិខ្មែរ និង២៖ ឈ្មោះ ញឹក ពៅ ភេទស្រី អាយុ៣៦ឆ្នាំ ជនជាតិខ្មែរ។ វត្ថុតាងចាប់យករួមមាន៖ គ្រឿងញៀនប្រភេទមេតំហ្វេតាមីន (MDMA) ទម្ងន់ ២ ០៣៥.៩៥ ក្រាម, គ្រឿងញៀនប្រភេទមេតំហ្វេតាមីន (WY) ទម្ងន់៤.១៥ក្រាម គ្រឿងញៀនប្រភេទកេតាមីន (KETAMINE) ទម្ងន់១១.២០ក្រាម, វត្ថុតាងគ្រឿងញៀនសរុបទម្ងន់ ២,០៥១.៣០ក្រាម (២គីឡូ និង៥១.៣០ក្រាម)។
បច្ចុប្បន្នជនល្មើសខាងលើត្រូវបាន កសាងសំណុំរឿងបញ្ជូនខ្លួន និងវត្ថុតាងទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។