សត្វតោមួយក្បាលខាំសម្លាប់មនុស្ស ខណៈរួចចេញពីទ្រុង

សត្វតោមួយក្បាលបានខាំសម្លាប់កម្មករម្នាក់ ខណៈដែលបានរត់រួចចេញពីទ្រុង ។ សត្វតោនេះក៏ត្រូវបានគេបាញ់សម្លាប់ផងដែរ ដោយក្រុមអភិរក្សសត្វព្រៃ ។

ហេតុការណ៍នេះបានកើតឡើងកាលពីថ្ងៃអាទិត្យ នៅមជ្ឈមណ្ឌលអភិរក្សសត្វព្រៃ Caswell Country រដ្ឋ Corlina សហរដ្ឋអាមេរិក ។

គេមិនបានបញ្ជាក់ថា ហេតុដូចម្តេចបានជាសត្វតោមួយក្បាលនេះចេញពីទ្រុងរួចនោះទេ ប៉ុន្តែពេលដែលបានចេញភ្លាម ក៏បានខាំសម្លាប់បុគ្គលិកអាយុ២២ឆ្នាំម្នាក់តែម្តង ។

ប៉ូលិសបានបញ្ជាក់ថា ជនរងគ្រោះឈ្មោះ Alexandra Black ភេទស្រី ដើមកំណើតមកពី New Palestine, Indiana ហើយបច្ចុប្បន្នជានិស្សិតសាកលវិទ្យាល័យរដ្ឋ Indiana ដែលត្រូវបានជួលឲ្យទៅបម្រើការនៅទីនោះ ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។