តៃវ៉ាន បង្ខំឲ្យនិស្សិតបរទេស ធ្វើការដោយកម្លាំង ទទួលរងការរិះគន់យ៉ាងខ្លាំង

កន្លងមកថ្មីមានព័ត៌មានបានផ្សាយថា ក្រុមនិស្សិតបរទេសដែលបានទៅសិក្សានៅ កោះតៃវ៉ានត្រូវបាន បញ្ជូនទៅឲ្យធ្វើការ ដោយកម្លាំង លើសពីកម្មវិធីសិក្សា របស់សាលា ។សកម្មភាពទាំងនោះហើយបានធ្វើឲ្យ ប្រទេសមួយចំនួននៅក្នុងតំបន់ ផ្អាក់បញ្ជូននិស្សិត ទៅតៃវ៉ាន ក្នុងនោះមានប្រទេសឥណ្ឌូនេស៊ីជាដើម ។

នៅពេលនេះ ឥណ្ឌូនេស៊ីបានសម្រេច ផ្អាកបញ្ជូន និស្សិតទៅកាន់កោះតៃវ៉ាន់ តាមកម្មវិធី កម្មសិក្សា ក្រោយពេលទទួលបានព័ត៌មានថា និស្សិត ឥណ្ឌូនេស៊ីជាច្រើន ត្រូវបង្ខំឲ្យធ្វើពលកម្ម ហួសកម្រិតនៅតាមបណ្តារោងច័ក្រ ។ក្រោយព័ត៌មានបានផ្សព្វផ្សាយនៅលើ គេហទំព័រ Taiwan News ស្តីពី សាលាមហាវិទ្យាល័យមួយចំនួននៅកោះតៃវ៉ាន បានបញ្ជូនក្រុមនិស្សិត ក្រៅប្រទេសទៅធ្វើការ ដោយកម្លាំង នៅតាមបណ្តារោងច័ក្រមួយចំនួនក្នុងប្រទេសនេះ ។ទាំងនោះហើយបានជាឥណ្ឌូនេស៊ី ផ្អាក កម្មវិធីបញ្ជូននិស្សិត ទៅរៀន ឬ ធ្វើកម្មសិក្សានៅតៃវ៉ាន។

អ្នកនាំពាក្យក្រសួងការបរទេស ឥណ្ឌូនេស៊ីបានប្រកាសឲ្យដឹងថា ការិយាល័យពាណិជ្ជកម្ម ឥណ្ឌូនេស៊ី ប្រចាំនៅទីក្រុងតៃបិ បានសហការជាមួយ មន្ត្រីមូលដ្ឋានធ្វើការត្រួតពិនិត្យទៅលើ ព័ត៌មាន ស្តីពីការបង្ខំឲ្យនិស្សិតពលកម្ម ដោយកម្លាំង ។ជាមួយគ្នានោះដែរ ឥណ្ឌូនេស៊ីក៏បានស្នើរដល់ កោះតៃវ៉ាន មានវិធានការការពារផលប្រយោជន៍ សុវត្ថិភាព ដល់ក្រុមនិស្សិត ដែលកំពុងតែសិក្សានៅទីនេះ។

បច្ចុប្បន្ន ឥណ្ឌូនេស៊ី មាននិស្សិត ប្រមាណ៦ពាន់នាក់កំពុងតែ សិក្សានៅតៃវ៉ាន ក្នុងនោះមាន ប្រមាណ១ពាន់នាក់ ទៅធ្វើកម្មសិក្សានៅតាមបណ្តា មហាវិទ្យាល័យនានា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។