គ្រោះថ្នាក់ចរាចរណ៍ដ៏រន្ធត់ បានកើតឡើង នៅចំនុចស្ពានអ៊ូរគគីរ បណ្តាលអោយខូចខាតរថយន្តជាច្រើនគ្រឿង
ខេត្តកំពង់ស្ពឺ ៖ គ្រោះថ្នាក់ចរាចរណ៍ដ៏រន្ធត់ បានកើតឡើង នារសៀលថ្ងៃទី០៥ មករា នេះ ស្ថិតនៅស្ពានអ៊ូរគគីរនៅគីឡូម៉ែត្រលេខ ១០៧ ស្រុកភ្នំស្រួច ខេត្តកំពង់ស្ពឺ ។ ដោយបុករះបណ្តាលឱ្យរថយន្តរងការខូចខាតជាច្រើនគ្រឿង និងមនុស្សក៏រងរបួសធ្ងន់-ស្រាលផងដែរ ។
បើតាមសេចក្តីរាយការណ៍បានអោយដឹងថា នៅមិនទាន់ដឹងថាមានមនុស្សស្លាប់ឬរបួសប៉ុន្មាននាក់ទេ នៅក្នុងហេតុការណ៍គ្រោះថ្នាក់នេះ ។ បើតាមពលរដ្ឋដែលឃើញហេតុការណ៍ផ្ទាល់ថា គឺហេតុការណ៍នេះបង្កឡើងដោយរថយន្តធុនធំដឹកឥដ្ឋមួយគ្រឿង។
គួររំលឹកថា ៖ រថយន្តធុនធំដឹកឥដ្ឋបានដាច់ហ្វ្រាំងចំពេលចុះចំណោត អ្នកបើកស្លន់បាត់អស់ម្ចាស់ការទើបបណ្តាលអោយមានគ្រោះថ្នាក់បែបនេះ។
បច្ចុប្បន្ន សមត្ថកិច្ចកំពុងចុះអន្តរាគមន៍នៅកន្លែងកើតហេតុ ព្រមទាំងបានកកស្ទះចរាចរណ៍ខ្លាំងផងដែរ ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។