ស្លាប់៤នាក់ និងបាត់ខ្លួន ១០០នាក់ ក្នុងគ្រោះទឹកជំនន់ នៅឥណ្ឌា

គ្រោះទឹកជំនន់ភ្លាមៗដែលបាននាំមកជាមួយនូវល្បាប់ភក់ បានបុកទម្លុះចូលក្នុងទីក្រុងមួយស្ថិតនៅតំបន់ជួរភ្នំហិរមាល័យ (Himalayan) នៃប្រទេសឥណ្ឌា នៅថ្ងៃអង្គារ ទី៥ ខែសីហា ដោយសម្លាប់មនុស្សយ៉ាងហោច ៤នាក់ និងជាង១០០នាក់ផ្សេងទៀតបានបាត់ខ្លួន។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។

ភ្លៀងធ្លាក់ខ្លាំងដែលបង្កឱ្យទឹកហូរធ្លាក់ពីលើភ្នំ បានបង្កជាគ្រោះទឹកជំនន់ជន់លិចផ្ទះសម្បែងរបស់ប្រជាជននៅក្នុងទីក្រុង Dharali នៃរដ្ឋ Uttarakhand។ អាជ្ញាធរឥណ្ឌាបានអះអាងថាទឹកជំនន់ មានសភាពធ្ងន់ធ្ងរ ខណៈមនុស្ស៤នាក់ត្រូវបានរាយការណ៍ថាបានស្លាប់ និងជា១០០នាក់កំពុងបាត់ខ្លួន។ ព្រមពេលជាមួយគ្នា រដ្ឋាភិបាលឥណ្ឌាបានបញ្ជូនកងទ័ព ១៥០នាក់ ទៅកាន់ទីក្រុង Dharali ដើម្បីចូលរួមក្នុងប្រតិបត្តិការជួយសង្រ្គោះ។

នៅក្នុងសេចក្ដីថ្លែងការណ៍មួយ នាយករដ្ឋមន្ត្រីឥណ្ឌា លោក Narendra Modi ក៏បានផ្ញើសាររំលែកទុក្ខដល់គ្រួសារសាច់ញាតិរបស់ ជនរងគ្រោះដែលបានស្លាប់ក្នុងគ្រោះទឹកជំនន់ផងដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។