ស្វែងយល់ពីសត្វពស់មួយប្រភេទ ដែលមានពិសសាហាវ!
នៅកម្ពុជា ប្រភេទសត្វពស់ពព្លាក់ (Calloselasma rhodostoma) ត្រូវបានគេស្គាល់ថា ជាសត្វពស់ដែលមានពិសខ្លាំង និងការចឹកឬខាំរបស់វាមានការឈឺចាប់បំផុត។ ពួកវាត្រូវបានរកឃើញ និងកំពុងរស់នៅក្នុងទីជម្រកដែលទ្រុឌទ្រោម និងតំបន់ព្រៃរបោះ។ ប្រជាកសិករក៏អាចប្រទះឃើញពួកវានៅតាមវាលស្រែ និងនៅតាមភូមិឋាននៅជនបទជាដើម។
សត្វទាំងនេះ គឺមានលក្ខណៈស្មុគស្មាញជាងអ្វីដែលយើងបានដឹងពីពួកវា។ ប្រភេទសត្វពស់ពព្លាក់នេះ យកចិត្តទុកដាក់ការពារសំបុក និងពងរបស់ពួកវាខ្លាំងណាស់។ ហើយពួកវាក៏មានសារៈសំខាន់ផងដែរចំពោះដំណាំរបស់កសិករ ព្រោះថាបើគ្មានពួកវាទេ ដំណាំចំការទាំងឡាយអាចត្រូវបានបំផ្លាញដោយសត្វកណ្តុរឬសត្វកកេរផ្សេងទៀត។
តាមរយៈការយល់ដឹងមួយចំនួន យើងជឿថាមនុស្សនិងសត្វព្រៃអាចនៅជាមួយគ្នាបានក្តីសុខជាជាងរស់នៅក្នុងជម្លោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។