មេដឹកនាំជប៉ុន និងរុស្ស៉ី ជួបគ្នាដើម្បីដោះស្រាយជម្លោះដណ្តើមកោះ គូរីល ដែរមានរយះពេលជាង៧០ឆ្នាំមកហើយ

មេដឹកនាំរបស់ប្រទេសជប៉ុន និងរុស្ស៊ី មានជម្លោះជាមួយគ្នាអស់រយៈពេលជាង៧០ឆ្នាំកន្លងមកហើយ ក្នុងការដណ្តើមយកកម្មសិទ្ធលើកោះ គូរីល (Kurils) ដែលជាកោះមួយក្នុងចំណោមកោះ៤នៅក្នុងសមុទ្រជប៉ុន ។

ដើម្បីបន្ធូរបន្ថយភាពតានតឹង មេដឹកនាំរបស់ប្រទេសជប៉ុន និងរុស្ស៊ី បានជួបពិភាក្សាគ្នាសារជាថ្មី ដើម្បីដោះស្រាយនូវជម្លោះនេះ ដែលបានអូសបន្លាយអស់រយៈពេលជាង៧០ឆ្នាំ កន្លងមកហើយ និងជាជម្លោះលក្ខណៈអន្តរជាតិដែលមានរយៈពេលយូរជាងគេ ។

សូមបញ្ជាក់ជូនថា កោះ គូរីល មានទីតាំងស្ថិតនៅភាគខាងត្បូងប្រទេសរុស្ស៊ី និងនៅភាគខាងជើងប្រទេសជប៉ុន ដែលជប៉ុនអះអាងថាជារបស់ខ្លួន ប៉ុន្តែក្រោយជប៉ុនប្រកាសចាញ់សង្គ្រាមលោកលើកទីពីរកាលពីឆ្នាំ១៩៤៥ អតីតសហភាពសូវៀតបានចូលទៅកាន់កាប់លើកោះនេះ ។

ទាំងជប៉ុន ទាំងរុស្ស៊ី នៅតែអះអាងនូវកម្មសិទ្ធិស្របច្បាប់របស់ខ្លួន ក្នុងការកាន់កាប់កោះ គូរីល នេះ ដែលជាហេតុនាំអោយមានភាពតានតឹងបានកើតឡើងរវាងប្រទេសទាំងពីរ និងនាំអោយមេដឹកនាំនៃប្រទេសទាំងពីរជួបពិភាក្សាគ្នារកដំណោះស្រាយ ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។