ខ្យល់កន្រ្តាក់បំផ្លាញឃ្លាំងស្តុកដំឡូងមី និងផ្ទះប្រជាពលរដ្ឋ២០ខ្នងនៅស្រុកកំរៀង កាលពីរសៀលថ្ងៃម្សិលមិញ
កាលពីរសៀលថ្ងៃទី១៧ កុម្ភៈ ម្សិលមិញ មានបាតុភូតខ្យល់កន្ត្រាក់លាយឡំជាមួយភ្លៀងធ្លាក់ បានវាយប្រហារទៅលើភូមិសាស្ត្រឃុំតាក្រី នៃស្រុកកំរៀង ខេត្តបាត់ដំបង បណ្តាលឲ្យឃ្លាំងស្តុកដំឡូងមី និងផ្ទះប្រជាពលរដ្ឋចំនួន២០ខ្នង រងការខូចខាតយ៉ាងដំណំ។
យោងតាមអាជ្ញាធរមូលដ្ឋានឲ្យដឹងថា ខ្យល់កន្រ្តាក់នេះបានកើតឡើងនៅវេលាម៉ោងប្រមាណ៣រសៀល ថ្ងៃទី១៧ ខែកុម្ភៈ ដោយបំផ្លាញឃ្លាំងទិញដំឡូងមីមួយខ្នងដែលមានទទឹង៣០ម៉ែត្រ បណ្តោយ៦០ម៉ែត្រ ខូចខាតទាំងស្រុង។
ជាមួយគ្នានេះផ្ទះប្រជាពលរដ្ឋ៥ខ្នងដួលរលំទាំងស្រុង និង១៥ខ្នងទៀតរប៉ើកដំបូល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។