John Cena សុំមិត្តស្រី Nikki រៀបការនៅសង្វៀន WrestleMania
John Cena ទីបំផុតបានសារភាពសុំមិត្តស្រីយូរឆ្នាំរបស់ខ្លួន Nikki Bella រៀបការនៅសង្វៀន WrestleMania 33។ ការសុំរៀបការរបស់អ្នកកីឡាកាសជនជាតិអាមេរិកធ្វើឡើងបន្ទាប់ពី គូស្នេហ៍ទាំងពីបានផ្ដួលគូប្រកួត The Miz និងប្រពន្ធរបស់គេ នាង Maryse។ John និង Nikki គឺជាមិត្តរួមអាជីពលើសង្វៀន និងក្រោយមកមានទំនាក់ទំនងស្នេហាប្រមាណ៥ឆ្នាំមកហើយ។
បុរសវ័យ៣៩ ឆ្នាំ ធ្លាប់និយាយជាចំហថានឹងមិនរៀបការ ហើយយកកូនទេ តែយ៉ាងណាក៏ដោយគ្រប់យ៉ាងខុសការអះអាង ក្រោយរូបគេបានលុតជង្គង់លើសង្វៀនចំពោះមុខអ្នកគាំទ្រ ហើយសុំមិត្តស្រីរៀបការ និងទទួលបានចម្លើយយល់ព្រមពីនាង Nikki៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។