ប៉ូលិសខេត្តសៀមរាប ចុះពិនិត្យការគោរពច្បាប់ចរាចរណ៍ បែរជាចាប់អ្នកជួញដូរគ្រឿងញៀន២នាក់
ជនសង្ស័យចំនួន២នាក់ត្រូវបានសមត្ថកិច្ចឃាត់ខ្លួន ពាក់ព័ន្ធនឹងករណីជួញដូរគ្រឿងញៀន ខណៈសមត្ថកិច្ចចរាចរណ៍កំពុងចុះត្រួតពិនិត្យការអនុវត្តច្បាប់ចរាចរណ៍នៅតាមដងផ្លូវ កាលពីព្រឹកថ្ងៃទី២៩ ខែឧសភា ឆ្នាំ២០១៩ ត្រង់ចំណុចភូមិកក្រាញ់ សង្កាត់សៀមរាប ក្រុងសៀមរាប។
ជនសង្ស័យទាំង២នាក់ ទី១-ឈ្មោះ ឃឹម វិសាល ហៅអូន ភេទប្រុស ឆ្នាំកំណើត ១៩៩២ មុខរបរគ្មាន មានទីលំនៅ ភូមិស្វាយព្រៃ សង្កាត់ស្វាយដង្គំ ក្រុង ខេត្តសៀមរាប និងទី២-ឈ្មោះ នូ សេម៉ារិទ្ធ ហៅប្រុស ឆ្នាំកំណើត ១៩៩៣ មុខរបរ គ្មាន មានទីលំនៅ ភូមិទ្រាំង សង្កាត់ស្លក្រាម ក្រុងខេត្តសៀមរាប។
ដោយឡែកគ្រឿងញៀនដែលសមត្ថកិច្ចដកហូតបាន រួមមានម្សៅមេតំហ្វេតាមីនប្រភេទទឹកកកចំនួន១០កញ្ចប់ ស្មើនឹងទម្ងន់៩,៣ក្រាមទម្ងន់សុទ្ធ និងទូរស័ព្ទដៃ ចំនួន០២គ្រឿង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។