ឡានដឹកដី បុកម៉ូតូពេញទំហឹង ស្លាប់បុរសម្នាក់ភ្លាមៗ នៅស្រុកឧដុង្គ
ខេត្តកំពង់ស្ពឺ៖ កាលពីរសៀល ថ្ងៃទី២៦ ខែកក្កដា ឆ្នាំ២០២០ មានករណីគ្រោះថ្នាក់ចរាចរណ៍មួយ កើតឡើងរវាងរថយន្ត បុកម៉ូតូពេញទំហឹង លើផ្លូវជាតិលេខ៤៤ ក្នុងភូមិពោធិ៍កោង ឃុំព្រះស្រែ ស្រុកឧដុង្គ ខេត្តកំពង់ស្ពឺ បណ្តាលឲ្យបុរសម្នាក់ ស្លាប់ភ្លាមៗនៅនឹងកន្លែង។
សមត្ថកិច្ចមូលដ្ឋាន បានឲ្យដឹងថា គេឃើញរថយន្ត១គ្រឿង ម៉ាក Hyundai ក្បាលពណ៌ស ទ្រុងស-ខៀវ ពាក់ស្លាកលេខ ភ្នំពេញ3C-7670 ទិសដៅពីលិចទៅកើត លុះទៅដល់ចំណុចខាងលើ បានបើកទៅបុកម៉ូតូ ១គ្រឿង ម៉ាកហុងដា C90 ពណ៌ទឹកប្រាក់ គ្មានស្លាកលេខ ធ្វើដំណើរបញ្ច្រាសទិសគ្នា បណ្តាលឲ្យមានមនុស្សម្នាក់ ស្លាប់ភ្លាមៗតែម្តង។
ជនរងគ្រោះឈ្មោះ ឡេង ធា ភេទប្រុស អាយុ៣២ឆ្នាំ រស់នៅភូមិអង្គសណ្តាន់ ឃុំព្រះស្រែ ស្រុកឧដុង្គ ខេត្តកំពង់ស្ពឺ។ រីឯអ្នករថយន្តបង្ក បានរត់គេចខ្លួនបាត់ស្រមោល។
ក្រោយពេលកើតហេតុ សមត្ថកិច្ច បានចុះពិនិត្យ និងបានប្រគល់សពជូនក្រុមគ្រួសារ យកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។