មន្ត្រីអភិរក្សសត្វព្រៃ លែងសត្វពស់ថ្លាន់ ២ក្បាល ចូលទៅរស់នៅក្នុងព្រៃធម្មជាតិវិញ
ខេត្តមណ្ឌលគិរី៖ កាលពីថ្ងៃទី២ ខែធ្នូ ឆ្នាំ២០២០ ក្រុមអនុវត្តច្បាប់ចល័ត និងមន្ត្រីឧទ្យានុរក្សនៃមន្ទីរបរិស្ថានខេត្តមណ្ឌលគិរី សហការជាមួយកម្លាំងនគរបាលខេត្តមណ្ឌលគិរី ដែលគាំទ្រដោយគម្រោងរបស់អង្គការ WWF បានលែងសត្វពស់ថ្លាន់ចំនួន២ក្បាល ឲ្យចូលទៅរស់នៅក្នុងព្រៃធម្មជាតិវិញ ក្នុងរបៀងអភិរក្សជីវៈចម្រុះ។
សូមជម្រាបជូនថា សត្វពស់ថ្លាន់ទាំង២ក្បាលខាងលើនេះ ត្រូវបានមន្ត្រីរដ្ឋបាលការពារនិងអភិរក្សធម្មជាតិ និងមន្ត្រីឧទ្យានុរក្សដែនជម្រកសត្វព្រៃកែវសីមា ដកហូតបានពីប្រជាពលរដ្ឋជនជាតិដើមភាគតិច រស់នៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី បន្ទាប់ពីទទួលការអប់រំណែនាំ ទើបប្រជាពលរដ្ឋយល់ព្រមប្រគល់ឲ្យមន្ត្រីជំនាញ ដើម្បីយកទៅលែងចូលទៅរស់នៅក្នុងព្រៃធម្មជាតិវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។