ការប្រមូលផលស្រូវវស្សាទូទាំងប្រទេស សម្រេចបានជាង ៥លាន៦៥ម៉ឺនតោន
ភ្នំពេញ៖ យោងតាមរបាយការណ៍របស់នាយកដ្ឋានដំណាំស្រូវ នៃអគ្គនាយកដ្ឋានកសិកម្ម បានឲ្យដឹងថា សកម្មភាពប្រមូលផលស្រូវវស្សារបស់បងប្អូនប្រជាកសិករ នៅទូទាំង ២៤ រាជធានី-ខេត្តកំពុងមមាញឹក ញាប់ដៃញាប់ជើង។
គិតត្រឹមថ្ងៃទី០៧ ខែធ្នូ របាយការណ៍នេះ បានបង្ហាញថា៖
១- ខេត្តដែលសម្រេចបានចាប់ពី ៩០% ឡើងមាន៖ ខេត្តកោះកុង ក្រចេះ រតនគីរី និងខេត្តស្ទឹង ត្រែង។
២- ខេត្តដែលសម្រេចបានចាប់ពី ៧០% ទៅ ៨០% មាន៖ ខេត្តកំពត ពោធិ៍សាត់ សៀមរាប ស្វាយរៀង និងខេត្តឧត្តរមានជ័យ។
៣- ខេត្តដែលសម្រេចបានចាប់ពី ៥០% ទៅ ៦០% មាន៖ ខេត្តបន្ទាយមានជ័យ កំពង់ចាម កំពង់ឆ្នាំង កណ្តាល មណ្ឌលគីរី ភ្នំពេញ ព្រះវិហារ ព្រៃវែង តាកែវ កែប ប៉ៃលិន និងខេត្តត្បូងឃ្មុំ។
៤- ខេត្តដែលសម្រេចបានក្រោម ៥០% មាន៖ ខេត្តបាត់ដំបង កំពង់ស្ពឺ និងខេត្តកំពង់ធំ។ ដោយ ឡែក ខេត្តព្រះសីហនុសកម្មភាពប្រមូលផលស្រូវវស្សាទើបតែសម្រេចបានជាង ២០% ប៉ុណ្ណោះ។
នៅទូទាំងប្រទេសការប្រមូលផលស្រូវវស្សាសម្រេចបានជាង ១,៧៨៨លានហ.ត ស្មើនឹង ៦៤.១០% ដែលទទួលបានបរិមាណផលសរុប ៥ ៦៥២ ២៩៧ តោន ដែលក្នុងនេះទិន្នផលជាមធ្យមទទួលបានចំនួន ៣,១៦ តោន/ហ.ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។