អ្នកធ្លាប់ចូលហាង Zendo និង Pedro សុំរួសរាន់ទៅធ្វើចត្តាឡីស័ក នៅសណ្ឋាគារសុខាភ្នំពេញ
ភ្នំពេញ៖ ក្នុងរយៈពេលប៉ុន្មានថ្ងៃចុងក្រោយ ក្រសួងសុខាភិបាល បានរកឃើញអ្នកដែលបានធ្វើតេស្តវិជ្ជមានមេរោគកូវីដ១៩ សុទ្ធតែធ្លាប់បានទៅហាងលក់ទំនិញ Zendo ដែលមានអាសយដ្ឋានស្ថិតនៅផ្លូវត្រសក់ផ្អែម និងហាងលក់ទំនិញ Pedro ដែលមានអាសយដ្ឋានស្ថិតនៅផ្លូវព្រះសីហនុ រាជធានីភ្នំពេញ។
ក្រសួង បញ្ជាក់ថា ដើម្បីចូលរួមទប់ស្កាត់នូវការរីករាលដាលមេរោគកូវីដ១៩ ក្នុងព្រឹត្តិការណ៍សហគមន៍ ២៨វិច្ឆិកា ឲ្យទទួលបានប្រសិទ្ធភាពខ្ពស់ ក្រសួង ស្នើបងប្អូនប្រជាពលរដ្ឋដែលបានទៅហាងលក់ទំនិញទាំង២ខាងលើ ចាប់ពីថ្ងៃទី២៧ ខែវិច្ឆិកា ឆ្នាំ២០២០ សូមអញ្ជើញរួសរាន់មកធ្វើចត្តាឡិស័ក នៅសណ្ឋាគារសុខាភ្នំពេញ ដោយរាល់ការចំណាយទាំងអស់ជាបន្ទុករបស់រាជរដ្ឋាភិបាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។