បើករថយន្តទាំងស្រវឹង ក្រឡាប់ស្លាប់២នាក់ និង៥នាក់ទៀត រងរបួស
ភ្នំពេញ៖ មនុស្សយ៉ាងហោចណាស់២នាក់ បានស្លាប់ និង៥នាក់រងរបួសធ្ងន់ស្រាល ក្នុងករណីបើកបររថយន្ត ក្នុងស្ថានភាពស្រវឹង និងល្បឿនលឿន បណ្តាលឲ្យក្រឡាប់ កាលពីល្ងាច ថ្ងៃទី០៨ ខែធ្នូ ឆ្នាំ២០២០ នៅចំណុចភូមិវត្ត ឃុំស្រែណូយ ស្រុកវ៉ារិន លើផ្លូវពីឃុំស្រែណូយ ទៅឃុំកន្ទួត ស្រុកស្វាយលើ ខេត្តសៀមរាប។
នគរបាលចរាចរណ៍ខេត្តសៀមរាប បានឲ្យដឹងថា រថយន្តបង្កខាងលើ ម៉ាកCamry បាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2S-1917 អ្នកបើកបរឈ្មោះ ឡុង ភា (ស្លាប់) ភេទប្រុស អាយុ៣១ឆ្នាំ នៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប ទិសដៅពីកើតទៅលិច ដឹកមនុស្សចំនួន៦នាក់។
ជនរងគ្រោះ ១-ឈ្មោះ ឡុង សុភាក់ ភេទប្រុស អាយុ១៩ឆ្នាំ (ស្លាប់), ២-ឈ្មោះ ជា កុសល់ ភេទប្រុស អាយុ១១ឆ្នាំ (របួសធ្ងន់), ៣-ឈ្មោះ ជា បរមី ភេទប្រុស អាយុ១១ឆ្នាំ (របួសស្រាល), ៤-ឈ្មោះ ពា ចិត្រា ភេទប្រុស អាយុ៦ឆ្នាំ (របួសធ្ងន់), ៥-ឈ្មោះ ចាន់ ភេទប្រុស អាយុ២៤ឆ្នាំ (របួសស្រាល), ៦-ឈ្មោះ ចាន់ វីឡា ភេទប្រុស អាយុ១ឆ្នាំ (របួសស្រាល)។ អ្នកទាំង៦នាក់ នៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។