ឪពុកម្តាយយំបោកខ្លួន! ព្រោះទាំង ៣នាក់ លង់ទឹកស្លាប់ព្រមគ្នា
ខេត្តកំពង់ធំ៖ ក្មេងប្រុសស្រីជាបងប្អូនបង្កើតចំនួន ៣នាក់ ខណៈដែលឪពុកម្តាយមិននៅផ្ទះ បាននាំគ្នាចុះលេងទឹកស្រះ បណ្តាលឲ្យលង់ទឹកស្លាប់។ ករណីនេះ បានកើតឡើងកាលពីល្ងាច ថ្ងៃទី០៨ ខែធ្នូ ឆ្នាំ២០២០ នៅភូមិអណ្តោត ឃុំបាក់ស្នា ស្រុកបារាយណ៍ ខេត្តកំពង់ឆ្នាំង។
សមត្ថកិច្ចមូលដ្ឋាន បានឲ្យដឹងថា ក្មេងរងគ្រោះទាំង ៣នាក់នោះ ១.ឈ្មោះ យ៉ិត សុខគីន ភេទប្រុស អាយុ០៦ឆ្នាំ, ២.ឈ្មោះ យ៉ិត កញ្ញា ភេទស្រី អាយុ០៦ឆ្នាំ (កូនភ្លោះ) និង៣.ឈ្មោះ យ៉ិត ហ៊ាន់ ភេទប្រុស អាយុ០៤ឆ្នាំ ទាំងបីនាក់ ត្រូវជាបងប្អូនបង្កើត។
ក្រោយពេលកើតហេតុ សមត្ថកិច្ចបានចុះពិនិត្យ និងបានប្រគល់សពក្មេងទាំង ៣នាក់ជូនឪពុកម្តាយ ដើម្បីយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។