ទីក្រុងប៉ារីស បាញ់បង្ហោះផ្កាយរណបយោធាដោយជោគជ័យ
បារាំងបានបាញ់បង្ហោះផ្កាយរណបយោធាដ៏ទំនើបឡើងទៅកាន់គន្លងគោចរផែនដីដោយជោគជ័យ ។ ផ្កាយរណប់នោះនឹងជួយដល់កម្លាំងយោធា បារាំងនៅជុំវិញពិភពលោកអាចទំនាក់ទំនងគញនាបានយ៉ាងឆាប់រហ័សនិងសុវត្ថិភាព។
តាមការលើកឡើងរបស់អ្នកនាំពាក្យកម្លាំងទាហានអាកាសបារាំង លោក Stephane Spet បានឲ្យដឹងថា ផ្កាយរណបត្រូវបានផលិតឡើងដើម្បីទប់ស្កាត់សកម្មភាពជ្រៀតជ្រែកយោធាពីដីនិងពីទីអវកាស។ រ៉ុក្កែត Ariane 5 បានបាញ់ចេញពីទីលាន Kourou , Guiana នៅល្ងាចថ្ងៃទី២៣ខែតុលា (ពេលវេលាបារាំង) បញ្ជូនផ្កាយរណប Syracuse 4A ឡើងទៅកាន់គន្លងគោចរផែនដី ដោយប្រើរយៈពេល ៣៨នាទី និង ៤៣វិនាទី។ ផ្កាយរណប់យោធានោះ អាចតាមបរិយាកាសនៅជុំវិញក៏ដូចជាធ្វើដំណើរបម្លាស់ទី បញ្ចៀសការវាយប្រហារ ។
ដោយបានបំពាក់បច្ចេកវិទ្យាទំនើបដូចអង់ទែន ប្រឆាំង ការបំផ្លាញសេវាកម្ម ។ ផ្កាយរណប Syracuse 4A និងបញ្ចៀសពីជីពចរអេឡិចត្រូម៉ាញ៉េទិច ដែលជារឿយៗកើតឡើងបន្ទាប់ពីការផ្ទុះអាវុធបរមាណូ។
បារាំង បានបបង្កើតទីបញ្ជាការកម្លាំងអវកវាសតាំងពីខែកក្កដាឆ្នាំ២០១៩ ក្នុងពេលដែលប្រទេសមហាអំណាចផ្សេងទៀតក៏បានវិនិយោគជាច្រើនទៅលើបច្ចេកវិទ្យាអវកាសផងដែរ ដែលជាសមរភូមិយោធាថ្មីរបស់ប្រទេសមហាអំណាច។ បារាំងបានវិនិយោគទឹកប្រាក់ ៥ពាន់លានដុល្លារ សម្រាប់វិស័យអវកាស ក្នុងដំណាក់កាលពីឆ្នាំ២០១៩ដល់ឆ្នាំ២០២៥ ។ កាលពីខែមីនាកន្លងមក បារាំងបានធ្វើសមយុទ្ធទីវកាសជាំលើកដំបូងក្នុងគោលដៅការពារផ្កាយរណបរបស់បារាំងនៅទីអវកាសផែនដី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។