មន្ទីរព័ត៌មានខេត្តសៀមរាបរៀបចំពិធីសំណេះសំណាលជាមួយអ្នកសារព័ត៌មាន និងគេហទំព័រ
សៀមរាប ៖ នៅវេលាម៉ោង ០២ នឹង៣០នាទី នាសៀលថ្ងៃសុក្រទី២២ មិថុនា ២០១៨ នេះ មន្ទីរព័ត៌មានខេត្តក្រោមការចង្អុលបង្ហាញណែនាំរបស់ ឯកឧត្តមរដ្ឋមន្រ្តី ក្រសួងព័ត៌មានបានរៀបចំពិធីសំណេះសំណាល ជាមួយ អ្នកសារព័ត៌មាន
និងគេហទំព័រ ក្នុងខេត្តសៀមរាបទាំងអស់ដើម្បីផ្សព្វផ្សាយប្រកាសអន្តរក្រសួងលេខ ១៧០ ប្រក ដែលផ្សព្វផ្សាយពីក្រមសីលធម៌ ក្រោមអធិបតីភាពឯកឧត្តម លី សំរិទ្ធិ អភិបាលរងខេត្តសៀមរាប តំណាងដ៏ខ្ពង់ខ្ពស់របស់ ឯកឧត្តមបណ្ឌិត ឃឹម ប៊ុនសុង អភិបាលនៃគណះអភិបាលខេត្តសៀមរាប នឹងឯកឧត្តម លីវ សុខុន ទីប្រឹក្សាក្រសួង និងជាប្រធានមន្ទីរព័ត៌មានខេត្តសៀមរាប ព្រមទាំងមន្រ្តីរាជការក្រោមឱវាទមន្ទីរនិងអ្នកកាសែតចូលរួមប្រមាណ ៦០នាក់ផងដែរ ។
បន្ទាប់ពីប្រធានមន្ទីរព័ត៌មានបានអានរបាយការណ៍និងប្រកាសរបស់អន្តរក្រសួងរួចមក ឯកឧត្តម គណះអធិបតីបានលើកឡើងថា “ការចូលរួមរបស់អ្នកសារពត៌មាន ក្នុងការអភិវឌ្ឍន៍សង្គមជាតិមានសារសំខាន់ណាស់ គឺជាកញ្ចក់ឆ្លុះ ទោះបីអ្នកខ្លះថាមិនសំខាន់ក៍ដោយ ក៏អ្នកកាសែតមានសារសំខាន់ណាស់ ឧទាហរណ៏ដូចជាអំបិលអ្នកថាមិនប្រៃក៏ដោយ ក៏អំបិលនៅតែប្រៃ” ។
ទោះជាយ៉ាងណាក៏ដោយ ឯកឧត្តមបានដាស់តឿនអោយអ្នកសារព័ត៌មាន គោរពក្រមសីលធម៌ វិជ្ជាជិវះអោយបានត្រឹមត្រូវ សរសេរអ្វីអោយពិត។ បន្ទាប់ពីពិធីសំណេះសំណាលបានបញ្ចប់ មន្ទីរព័ត៌មានខេត្តបានរៀបចំទទួលបាយសាមគ្គីផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។