កូនត្រី៣ប្រភេទចំនួនជាង២មុឺនក្បាលត្រូវបានថ្នាក់ដឹកនាំខេត្តរតនគិរីធ្វើការប្រលែងក្នុងឱកាសទិវាមច្ឆាជាតិ ១កក្កដា ២០១៨
រតនគិរី៖ ឯកឧត្តម ប៊ូ ឡាំ អ្នកតំណាងរាស្រ្ត និងឯកឧត្តម ថង សាវុន អភិបាលខេត្តរតនគិរី អមដំណើរដោយ ប្រធានអនុប្រធានមន្ទីរអង្គភាពជុំវិញខេត្ត នាព្រឹកថ្ងៃទី០៥ ខែកក្កដា ឆ្នាំ២០១៨ បានអញ្ចើញប្រលែងកូនត្រី ៣ប្រភេទរួមមាន ត្រីអណ្ដែង ត្រីឈ្ពិន ត្រីប្រា សរុបប្រមាណជាង២មុឺនក្បាល ចូលទៅក្នុងទំនប់បឹងមួយកន្លែងស្ថិតនៅភូមិ១ ឃុំត្រពាំងក្រហម ស្រុកកូនមុំ ។
ឯកឧត្តម ថង សាវុន អភិបាលខេត្តរតនគិរីបានគូសបញ្ជាក់ពីគោលបំណងដ៏សំខាន់នៃទិវាមច្ឆាជាតិគឺ៖
១.បំផុសនិងលើកទឹកចិត្តឲ្យប្រជាពលរដ្ឋ យល់ដឹងពីសារៈសំខាន់នៃធនធានជលផល ចូលរួមថែរក្សាអភិរក្សពូជត្រីសំខាន់ៗ ដែលជិតផុតពូជ និងជីវៈចម្រុះគ្រប់ប្រភេទឲ្យបានគង់វង្ស។
២.បង្កើនធនធានជលផល នៅតាមបឹង,ស្ទឹង,ទន្លេ,ព្រែក,ស្រះសហគមន៍,ត្រពាំងដើម្បីធានានិរន្តរភាពនៃការនេសាទ បែបធម្មជាតិ ការនេសាទជាលក្ខណៈគ្រួសារ សម្រាប់ផ្គត់ផ្គង់ជីវភាពធានាសន្តិសុខស្បៀង និងបង្កើនកម្រិតជីវភាពប្រជានេសាទ ឲ្យកាន់តែប្រសើរឡើង៕
ប្រភព ៖ មន្ទីរព័ត៌មានខេត្តរតនគីរី
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។