គ.ជ.ប សម្រេចព្យូរសិទ្ធបោះឆ្នោតបណ្ដោះអាសន្នចំពោះ ប្រធាន អនុប្រធាន និងសមាជិក ទាំង៩
ភ្នំពេញ ៖ ជាផ្នែកដើម្បីតម្លាភាព និងយុត្តិធម៌ គណកម្មាធិការជាតិរៀបចំការបោះឆ្នោត (គ.ជ.ប) បានសម្រេចព្យួរសិទ្ធិបោះឆ្នោតបណ្ដោះអាសន្ន ចំពោះប្រធាន អនុប្រធាន និងសមាជិក ដោយមិនចូលរួមបោះឆ្នោត សម្រាប់ការបោះឆ្នោតជ្រើសតាំងតំណាងរាស្រ្តនីតិកាលទី៦ ដែលនឹងប្រព្រឹត្តទៅ នាថ្ងៃទី២៩ កក្កដា ឆ្នាំ ២០១៨ ខាមុខនេះ ទេ ។
ផ្អែកតាមសេចក្ដីសម្រេច ដែលត្រូវបានគេធ្វើការផ្សព្វផ្សាយជាសាធារណៈកាលពីថ្ងៃទី១១កក្កដា ម្សិលមិញ បានឲ្យដឹងថា ប្រធាន អនុប្រធាន សមាជិក គ.ជ.ប ដែលត្រូវបានព្យួរសិទ្ធិបោះឆ្នោត ជាបណ្ដោះអាសន្ននោះរួមមាន ៖
១.លោក សឹុក ប៊ុនហុក
២.លោក នុត សុខុម
៣.លោក មាន សុទិ
៤.លោក ឌឹម សុវណ្ណារ៉ុំ
៥.លោក ឌុច សុន
៦.លោក ហីុង ធាប្ញទ្ធិ
៧.លោក ឯម សុផាត
៨.លោក ហ៊ែល សារ៉ាត់
៩.លោក ហង្ស ពុទ្ធា
យោងតាមបទបញ្ជាផ្ទៃក្នុងរបស់ គ.ជ.ប ប្រកាស៧ មានខ្លឹមសារថា៖ «មុខងារជាប្រធាន អនុប្រធាន និងសមាជិក គ.ជ.ប មានវិសមិតភាព (អលទ្ធភាពតាមគន្លងច្បាប់ដែលមិនអាចឲ្យមនុស្សម្នាក់បំពេញមុខងារពីរកន្លែងបាន) ជាមួយការបំពេញមុខតំណែងក្នុងមុខងារសាធារណៈ និងជាមួយមុខងារជាសមាជិកនៃស្ថាប័នដទៃទៀត ដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា។ ប្រធាន អនុប្រធាន និងសមាជិក គ.ជ.ប ត្រូវបានព្យួរសិទ្ធិបោះឆ្នោតជាបណ្តោះអាសន្នរហូតដល់ថ្ងៃបញ្ចប់មុខតំណែង»៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។