Juventus ហ៊ានចំណាយលុយយ៉ាងច្រេីនសម្រាប់ លោក Jorge Mendes
កីឡា ៖ លោក Jorge Mendes ត្រូវបានគេស្គាល់ថាជាភ្នាក់ងារដោះដូររបស់ Cristiano Ronaldo សញ្ជាតិព័រទុយហ្គាល់ ដែលបានទទួលជោគជ័យក្នុងការនាំកីឡាករខ្សែប្រយុទ្ធដ៏ឆ្នើមវ័យ៣៣ឆ្នាំ Ronaldo មកកាន់ក្រុម Juventus ក្នុងប្រទេសអីុតាលី។
ភាពជោគជ័យក្នុងការដោះដូរកីឡាករឆ្នេីមមួយនេះ ធ្វេីឲ្យក្រុម Juventus ហ៊ានចំណាយលុយ ១០,៦លានផោន (ជិត ១៤លានដុល្លារអាមេរិក) ជាកម្រៃដល់លោក Jorge Mendes បន្ទាប់ពី Juventus ចុះកុងត្រាជាផ្លូវការជាមួយ Ronaldo។
កាលពីថ្ងៃទី១០ ខែកក្កដានេះ កីឡាករ Ronaldo បានជួបជាមួយលោក Andrea Agnelli ប្រធានក្លឹប Juventus ក្នុងសណ្ឋាគារមួយ នៅប្រទេសក្រិក មុនសម្រេចចិត្តផ្ទេរទៅកាន់ក្រុមសេះបង្កង់។
សូមបញ្ជាក់ថា កីឡាករសញ្ជាតិព័រទុយហ្គាល់រូបនេះ នឹងទទួលបាន ៥០មឺុនផោន (ជាង ៦៦០០០០ដុល្លារអាមេរិក) ក្នុងមួយសប្ដាហ៍ និងយល់ព្រមកុងត្រារយៈពេល ៤ឆ្នាំ ជាមួយក្លឹបដែលស្ថិតនៅទីក្រុង Turin ប្រទេសអីុតាលី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។