រថយន្តដឹកឥដ្ឋបុកជាមួយរថយន្តប្រេងបណ្តាលឱ្យរងរបួសមនុស្ស០២នាក់
ខេត្តកណ្តាល៖មានមនុស្ស០២នាក់ប្រុស បណ្តាលឱ្យរងរបួសដោយសារមានរថយន្តដឹកឥដ្ឋបានបុកជាមួុយរថយន្តដឹកប្រេងដែលហេតុការណ៍និងបានកើតឡើងនៅ ត្រូវនឹងថ្ងៃទី១៦ខែកក្កដាឆ្នាំ២០១៨វេលាម៉ោង១៦,១០ នាទីលើផ្លូវជាតិ លេខ៦ចន្លោះគីឡូមែត្រលេខ២៣-២៤ចំណុច ភូមិលើ ឃុំព្រែកអញ្ចាញ ស្រុកមុខកំពូលខេត្តកណ្តាល។
មានករណីគ្រោះថ្នាក់ចរាចរណណ៍មួយកើតឡើងរវាងរថយន្តនិងរថយន្តដោយរថយន្តម៉ាកអ្វីស៊ុយស៊ុយ (ប្រភេទស៊ីទែនដឹកប្រេងសាំងនិងម៉ាស៊ុតចំនួន៥៥០០លីត្រ មួយគ្រឿងពណ៍ស ពាក់ផ្លាកលេខភ្នំពេញ៣A៨៥២៣បើកបរដោយ ឈ្មោះហែម បូរ៉ាភេទប្រុស អាយុ៣៤ឆ្នាំ មានទីលំនៅភូមិកោះប្រាក់ឃុំភូមិធំ ស្រុកកៀន ស្វាយខេត្តកណ្ដាល។ ធ្វើដំណើរពីត្បូងទៅជើងលុះមកដល់ចំណុចកើតហេតុបានបត់ឆ្វេងទៅទិសខាងលិចស្របពេលនោះក៍មាន រថយន្តមួយគ្រឿងម៉ាក ហ៊ីយិនដាយ ពណ៍ខៀវ ពាក់ផ្លាកលេខភ្នំពេញ៣A១៦១០ ដែលបើកបរដោយឈ្មោះអូន ធឿន ភេទប្រុសអាយុ៥៩ឆ្នាំមានទីលំនៅភូមិកោះតាចាន់ឃុំកំពង់ត្រាចខាងកើតស្រុកកំពង់ត្រាចខេត្តកំពត។ ធ្វើដំណើរពីជើងទៅត្បូងហើយបានមកបុករថយន្តដែលបត់ឆ្វេង ខាងលើបណ្ដាលអោយ របូសស្រាលដល់អ្នកបើកបររថយន្តទាំងពី។
លោកព្រុំ សំណាងអធិការស្រុកមុខកំពូលបានឱ្យដឹងថា ដោយរថយន្តម៉ាកអ៊ីស៊ុយស៊ុយធ្វើដំណើរពីត្បូងទៅជើងហើយបត់ឆ្វេងទៅទិសខាងលិចបណ្ដាលអោយរថយន្តម៉ាកហ៊ីយិនដាយមកពីទិសខាងជើង មកបុកតែម្តង។
ក្រោយពីទទួលព័ត៍មានកម្លាំង ជំនាញ បានចុះទៅដល់កន្លែងកើតហេតុហើយបានធ្វើការវាស់វែងនិងយកមធ្យោយទាំងពីមករក្សាទុកនៅអធិការដ្ឋាននគរបាលស្រុកមុខកំពូល ។
សេចក្ដីសន្និដ្ឋាន ដោយអ្នកបើកបររថយន្តអ៊ីស៊ុយស៊ុយបត់ឆ្វេងខ្វះការប្រុងប្រយ័ត្ថរីឯរថយន្តហ៊ីយិនដាយបើកបរលឿនលើផ្លូវបំបែកជាបី ដែលមានផ្លូវឆ្លងកាត់។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។