ជីតាហ្វេសប្រហែសឆក់ខ្សែភ្លើងចៅខ្លួនឯងដល់ស្លាប់
ខេត្តកណ្តាល៖គួរឱ្យអាណិតអាសូរណាស់ក្មេងប្រុសម្នាក់បានស្លាប់យ៉ាងអាណោចអាធ័មបំផុតដោយសារឆក់ខ្សែភ្លើងហេតុការណ៍នេះបានកើតឡើងនៅថ្ងៃទី២៧ ខែសីហាឆ្នាំ២០១៨ វេលាម៉ោង០៨.០៥នាទី នៅផ្ទះឈ្មោះ ឡាច រិនស្ថិតនៅភូមិទួលត្នោត ឃំុំគគីរ ស្រុកកៀនស្វាយខេត្តកណ្តាល។
បើតាមលោក មាស បញ្ញា នាយប៉ុស្តិ៍គគីរបានឱ្យដឹងថាជនរងគ្រោះឈ្មោះ បូ ពេជ្រ ភេទប្រុស អាយុ០១ឆ្នាំ រស់នៅភូមិឃំុកើតហេតុ។ការបំភ្លឺរបស់លោក ម៉ៅ សំបូរ ភេទប្រុស អាយុ៤៣ឆ្នាំ (ត្រូវជាជីតា) បានឱ្យដឹងថានៅមុនពេលកើតហេតុជនរងគ្រោះត្រូវជាចៅតែងតែនៅជាមួយជីតារាល់ថ្ងៃព្រោះម្តាយទៅធ្វើការនៅភ្នំពេញនៅមុនពេលកើតហេតុជីតាបាននាំចៅមកលេងផ្ទះឈ្មោះ ឡាច រិន ភេទស្រី នៅក្នុងភូមិជាមួយគ្នានៅពេលនោះជនរងគ្រោះទៅកាន់ខ្សែភ្លើងដែរ(ត)ទៅបន្ទប់ទឹកខាងក្រោយផ្ទះដែលធ្លាក់នៅក្រោមផ្ទះ(ម្ចាស់ផ្ទះរុះជញ្ចាំងស្លឹករួចបាំងជញ្ជាំងស័ង្កសីវិញ) ដោយជនរងគ្រោះលូកម្រាមមេដៃស្តាំចូលក្នុងអំពូលភ្លើងបណ្តាលឆក់តែម្តង។ក្រោយមកជីតាបានយកចៅទៅមន្ទីរពេទ្យបង្អែកស្រុកកៀនស្វាយដែរនៅ?ប៉ុន្តែពេលទៅដល់លោកគ្រូពេទ្យបានប្រាប់ថាជនរងគ្រោះស្លាប់បាត់ហើយ។
ក្រោយកើតហេតុសមត្ថកិច្ចបច្ចេកទេសស្រុកចុះទៅធ្វើការពិនិត្យឃើញថាជនរងគ្រោះពិតជាស្លាប់ដោយសារឆក់ខ្សែភ្លើងពិតប្រាកដមែនហើយក៌បានប្រគល់សពជូនក្រុគ្រួសារធ្វើបុណ្យតាមប្រពៃណី។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។