ទីបំផុត PM ចាប់ខ្លួនលោកផ្តាយបីដែលល្បីបោកលុយពីនារីនៅអាមេរិកបានហើយ
មន្ត្រីប៉េអឹមបានបង្ហើបឱ្យដឹងថា រឿងក្ដីលោកផ្កាយបីកើតប៉ូលីនអគ្គនាយករង នៃអគ្គនាយកដ្ឋានសម្ភារៈបច្ចេកទេស ដែលនារីម្នាក់នៅអាម៉េរិកចោទប្រកាន់ថា បាន បោកប្រាស់គាត់រហូតអស់ទឹកប្រាក់ជាង៣ម៉ឺនដុល្លារត្រូវប៉េអឹមរាជធានីភ្នំពេញកំពុងតែចាត់វិធានការតាមផ្លូវច្បាប់ហើយ។ ការចាត់វិធានការនេះ គឺបន្ទាប់ពីស្ត្រីម្នាក់ប្តឹងទៅប៉េអឹមរាជធានីភ្នំពេញ។
រឿងលោកផ្កាយបី កើត ប៉ូលីន អគ្គនាយករង នៃអគ្គនាយកដ្ឋានសម្ភារៈបច្ចេកទេសនៃក្រសួងការពារជាតិ ត្រូវបានស្ត្រីម្នាក់លាតត្រដាងផ្អើលពេញហ្វេសប៊ុក និងរងការរិះគន់យ៉ាងចាស់ដៃ។ ដោយនៅក្នុងវីដេអូឃ្លីប ស្ត្រីម្នាក់នោះ បាននិយាយរៀបរាប់អំពីដំណើររឿងលោកផ្កាយបីបោកប្រាស់យកលុយ និងរហូតឈានដល់ការគំរាមសម្លាប់ថែមទៀតផង។
តាមរយៈភស្តុតាងជាឯកសារវេលុយពីអាមេរិកមកឱ្យលោកផ្កាយ៣ កើត ប៉ូលីន និង តាមរយៈ សារឆ្លើយឆ្លងគ្នារវាងលោកផ្កាយ៣ កើត ប៉ូលីន ជាមួយនារីរងគ្រោះ លោកផ្កាយ ៣ កើត ប៉ូលីន គឺពិតជាមានឈ្មោះលោកផ្កាយ ៣ កើត ប៉ូលីន ទទួលលុយ និង មានឆាតគំរាមនារីរងគ្រោះពិតប្រាកដមែន ។
បន្ទាប់ពីមានផ្ទុះរឿងអាស្រូវនេះកើតឡើងលោកផ្កាយ៣កើតប៉ូលីនមិនទាន់ប្រតិកម្មឆ្លើយតបចំពោះការចោទប្រកាន់នេះនៅឡើយទេ ។ លោកផ្កាយ ៣ កើត ប៉ូលីន មិនអាចសុំការអត្ថាធិប្បាយបានទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។