លោក ឆាយ បូរ៉ា ប្រកាស​រក​ភាពយន្ត​ខ្លី ពី​ផលិតករ​ជំនាន់​ក្រោយ ចូលរួម​មហោស្រព​អាស៊ាន​

​នាយក​ផលិតកម្ម​ដើមត្នោត និង​ជា​ស្ថាប័ន​តំណាង​កម្ពុជា​របស់​មហោស្រព​ភាពយន្ត​ខ្នាត​ខ្លី ប្រទេស​សមាជិក​អាស៊ាន Southeast Asia Prix Jeunesse លោក ឆាយ បូរ៉ា បានប្រកាស​ស្វែងរក​ភាពយន្ត​ខ្នាត​ខ្លី ដែល​ផលិត​ដោយ​យុវ​ផលិតករ​ខ្មែរ​ដើម្បី​ចូលរួម​ក្នុង​មហោស្រព​ខាងលើ​។​

នេះ​ជា​ឱកាស​សម្រាប់​ផលិតករ អ្នក​នាំ​រឿង​ជំនាន់​ក្រោយ និង​យុវវ័យ​ដែលមាន​ទេពកោសល្យ​អាច​បង្ហាញ​សមត្ថភាព​របស់ខ្លួន​លើ​ទម្រង់​ភាពយន្ត​ខ្នាត​ខ្លី​លក្ខណៈ​អាស៊ាន ដែលមាន​រូបលោក ឆាយ បូរ៉ា ជា​មេ​ប្រយោគ​ផ្ដល់​ពិន្ទុ និង​ជា​អ្នកតំណាង​ប្រទេស​កម្ពុជា​សម្រាប់​មហោស្រព​អាស៊ាន​មួយ​នេះ​។ លោក ឆាយ បូរ៉ា និង​គណៈកម្មការ​កណ្តា​ល​តំណាង​ប្រទេស​នីមួយៗ​។

មហោស្រព​ភាពយន្ត​ខ្នាត​ខ្លី Southeast Asia Prix Jeunesse នឹង​ប្រព្រឹត្តទៅ​នៅ​ប្រទេស ហ្វី​លី​ពិន ទីក្រុង​ម៉ានីល​ឡា ចាប់ពី​ថ្ងៃទី ២៧ ដល់ ២៩ ខែ វិច្ឆិកា ឆ្នាំ ២០១៨ ហើយនឹង​បន្ត​ឆ្នាំ ២០១៩ នៅ​ប្រទេស ឥណ្ឌូ​នី​ស៊ី ឆ្នាំ​២០២០ នៅ​ប្រទេស មា​ឡេ​ស៊ី និង​មាន​ឆ្នាំ​បន្តបន្ទាប់ ជា​លក្ខណៈ​វិលជុំ នេះ​បើតាម​ការបញ្ជាក់​របស់​លោក ឆាយ បូរ៉ា​។​

សម្រាប់​ការផលិត​វីដេអូ មិន​ប្រកាន់​ថា​ផលិតករ​ប្រើប្រាស់​ឧបករណ៍​ណាមួយ​ទេ គឺ​អាចមាន​សិទ្ធិ​ចូលរួមបាន​ទាំងអស់​ក្នុង ក្រោម​ប្រធានបទ​៖ សម្រាប់​កុមារ ឬ (Everyday Hero)​។ គួរ​បញ្ជាក់ថា បេក្ខជន​ដែល​បានជ្រើសរើស នឹង​ត្រូវបាន​អញ្ជើញ​អោយចូល​រួម ដោយ​ភាគី​ខាង​មហោស្រព​រាប់​រង​ការចំណាយ​ទាំងអស់ និង​មាន​ប្រាប់​ឧបត្ថម្ភ​ផ្សេងៗ​ទៀត​។ សូម​ធ្វើការ​បំពេញបែបបទ តាម link មួយ​នេះ SEAPJ ENTRY Form រួចហើយ​ផ្ញើ​ទៅកាន់​ហ្វេ​ស​ប៊ុ​ក លោក ឆាយ បូរ៉ា​។ ផុតកំណត់​ត្រឹម​ខែ តុលា ឆ្នាំ ២០១៨៕

 

 

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close