ក្រុមលោ្ខននិយាយសម្តែង មរណភាពចម្លែក លើកស្ទួយល្ខោននិយាយឡើងវិញ
ល្ខោននិយាយរឿង មរណភាពចម្លែក ត្រៀមសម្តែងជូនទស្សនិកជនក្នុងកម្មវិធី និយាយ នាថ្ងៃព្រហស្បត្តិ៍ ទី០៦ កញ្ញា ចាប់ពីម៉ោង០៦ល្ងាច នៅសាលមជ្ឈមណ្ឌលសហប្រតិបត្តិការកម្ពុជា-កូរ៉េ នេះ ក្នុងតម្លៃសំបុត្រ ២០០០០៛ ។
លោក ណេន ភារិទ្ធ បានបញ្ជាក់ថា ការលើកយកល្ខោននិយាយ មរណភាពចម្លែក មកសម្តែងព្រោះថា ជាល្ខោននិយាយគម្រូថ្នាក់ជាតិដែលបានសម្តែងជាកិត្តិយសបើកកម្មវិធីក្នុងទិវាវប្បធម៌ជាតិ៣មីនា២០១៦។ សាច់រឿងនេះទទួលបានចំណាត់ថ្នាក់លេខ៣ក្នុងវេទិកាថ្នាក់ជាតិទាក់ទងនឹងប្រលោមលោកខ្មែរកាលពីឆ្នាំ២០០០។ និងដោយសារ ២ឆ្នាំកន្លងផុតទៅ ល្ខោននិយាយនេះ មិនត្រូវបានសម្តែងម្តងទៀត ទើបពេលនេះ ជាឱកាសសម្តែងម្តងទៀត ស្របពេលយុវជនជាច្រើនមិនបានចូលរួម ទិវាវប្បធម៌ អាចចូលទស្សនា ។
លោកបានបន្ថែមថា រហូតមកដល់ពេលនេះ មានអ្នកទិញសំបុត្របានប្រមាណជា ២០ភាគរយ និងមានការកក់សំបុត្រពីអ្នកគាំទ្រមិនទាន់បានមកទទួលនៅឡើយ។ ហើយលោកពិតជារំពឹងថា នឹងមានទស្សនិកជន ៣០០ ទៅ៤០០នាក់ អាចចូលរួមទស្សនា ក៏ដូចជាលើកទឹកចិត្តសិល្បករផ្នែកល្ខោននិយាយ មានទឹកចិត្តបន្តការសម្តែង និងបន្តថែរក្សាទៅមុខទៀត។
គួរដឹងថា កាលពីឆ្នាំ២០១៦ កម្មវិធីនិយាយ បានលើកយកល្ខោននិយាយរឿង កុលាបប៉ៃលិន មកសម្តែង។ គ្រានោះ ការសម្តែងលើឆាកប្រហែល១ម៉ោងនោះ គឺជាទស្សនីយភាពមួយដ៏កម្របំផុតសម្រាប់ទស្សនិកជនខ្មែរប្រហែល៨រយនាក់។ សម្រាប់គម្រោងថ្មីនេះ នឹងចាប់ផ្តើមសម្តែង ថ្ងៃព្រហស្បត្តិ៍ ទី០៦ កញ្ញា ចាប់ពីម៉ោង០៦ល្ងាច នៅសាលមជ្ឈមណ្ឌលសហប្រតិបត្តិការកម្ពុជា-កូរ៉េ តម្លៃសំបុត្រចូលទស្សនា ២០០០០រៀលសម្រាប់អ្នកចូលរួមម្នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។