សម្តេចតេជោ ហាមមិនអោយបិទរោងចក្រ បិទផ្សារ ឫបិទសាលារៀន នោះទេ ប្រសិនបើមានអ្នកឆ្លងកូវីដ១៩
ថ្លែងនៅក្នុងកិច្ចប្រជុំគណៈរដ្ឋមន្ត្រីនៅព្រឹកនេះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានលើកឡើងថា ប្រសិនបើមានកម្មកររោងចក្រឆ្លងជំងឺកូវីដ១៩ គឺត្រូវយកតែអ្នកជំងឺទៅព្យាបាល ហើយរក្សាវិធានសុខាភិបាល សម្លាប់មេរោគ ដោយឡែករោងចក្រដំណើរការធម្មតាមិនត្រូវបិទទៀតទេ។
សម្តេចតេជោ បញ្ជាក់ថា ផ្សារ ទីប្រជុំជន និង សាលារៀនក៍ត្រូវអនុវត្តដូចគ្នា មិនត្រូវបិទផ្សារ រោងចក្រ ឫសាលារៀនទាំងមូលទៀតទេ ពីព្រោះយើងមានវ៉ាក់សាំងគ្រប់គ្រាន់ហើយ។
បើតាមការលើកឡើងរបស់សម្តេចតេជោថា ដោយសារតែយើងមានវ៉ាក់សាំងគ្រប់ដូច្នេះ ការយកសំណាកក៍ត្រូវអនុវត្តដូចគ្នា គឺបើមានវិជ្ជមានម្នាក់ ធ្វើតេស្តម្នាក់ មិនចាំបាច់យកមួយភូមិ មកធ្វើតេស្តដូចមុននោះឡើយ បើអ្នកមានការសង្ស័យចាំយកមកធ្វើតេស្ត បើមានវិជ្ជមាន ហើយអាការៈធម្មតា អាចព្យាបាលនៅផ្ទះ ហើយបើមានអាការៈឈឺចាំបញ្ជូនទៅព្យាបាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។